Dhimbje guresh, Milena Agus

Titulli: Dhimbje gurësh
Origjinali: Mal di pietre
Gjinia: Roman
Autori: Milena Agus
Shqipëroi: Ilirjana Stringa
Shtëpia botuese: Ideart
Viti: 2008
Fq. 112
Pesha: 0.15 kg
ISBN: 978-99956-29-04-5

Mbi librin

"Mal di pietre" është historia e një gruaje sardenjase me një trill të pazakontë e të papranueshëm për Italinë që posa dilte nga Lufta e dytë botërore: të shkruarën. Historia e dashurisë me Veteranin në një Stacion Termal, kurorëzon brenda saj aktin e krijimit, që është njëherësh dëshira e natyrshme e gruas që dëshiron të bëhet nënë dhe ajo e mbinatyrshme e krijimit të një realiteti të ndërmjetësuar nga letërsia.

"Dhimbja e gurëve" është dhimbje fizike, gurët në veshka, por edhe metaforë e dhimbjes së madhe, dhimbjes së të jetuarit, në një kontekst të vështirë socio – kulturor të një Italie që i përngjan aq shumë Shqipërisë. E, siç i ka hije çdo letërsie të mirë, romani na ruan një mbyllje të papritur e virtuoze.

Koment nga Antonio D'Orrico

"Meqënëse në klasifikimin tim personal, titulli i shkrimtares më të madhe italiane për momentin nuk është zënë, është rasti t'ia japim Milena Agus – it".

Mbi autoren

Milena Agus ka lindur në Gjenovë dhe jeton në Kaljari, ku jep lëndët e gjuhës italiane dhe historisë në një institut teknik. Ka botuar fillimisht romanin "Mentre dorme il pescecane", por është bërë e njohur vetëm pas suksesit të romanit "Mal di pitre". Romani është përkthyer në rreth 20 gjuhë dhe ka fituar disa nga çmimet më prestigjioze të vitit 2007 në Itali.