Titulli: Dritat në shtëpitë e të tjerëve
Origjinali: Le luci nelle case delle altri
Gjinia: Roman
Autori: Chiara Gamberale
Shqipëroi: Beti Njuma
Shtëpia botuese: Pegi
Viti: 2016
Fq. 404
Pesha: 0.436 kg.
ISBN: 978-9928-200-57-0
Mbi librin
Maria, administratorja e një pallati të vogël e të zakonshëm, humb jetën në një aksident. Ajo lë pas një vajzë të vogël, Mandorlën, dhe një letër, në të cilën rrëfen se i ati i vajzës jeton në ndërtesën që administron ajo.
Të gjithë burrat e ndërtesës gjenden në akuzë, por askush nuk pranon të jetë babai i vajzës dhe as t'i nënshtrohet testit të ADN – së. Për pasojë, familjet e pallatit vendosin ta rrisin vajzën së bashku, me radhë.
Kështu, Mandorla do të rritet me shumë prindër dhe do të udhëtojë nga zhgënjimet e para të fëmijërisë deri te dashuritë e adoleshencës. Falë saj, lexuesi do të hedhë një sy pas perdeve të këtyre shtëpive dhe do të zbulojë se familja përmban një alkimi të papërcaktueshme elementesh: ata që e kanë, rrezikojnë ta shkatërrojnë; ata që s'e kanë, e shohin si të vetmen rrugë drejt lumturisë.
Chiara Gamberale ka krijuar një roman ku arketipat tradicionalë përzihen me dramat bashkëkohore, ku e vërteta dhe e rremja shkëmbehen dhe i japin jetë një zëri origjinal dhe të paharrueshëm që na udhëheq drejt një fund befasues.
Fragment nga libri
S'ka gjë më t bukur në botë sesa të zgjohesh në një shtrat ku s'kishe fjetur kurrë më parë, dhe të mendosh: ja, në këtë çast nuk më mungon asgjë. Kështu pra, do të doja që të përjetosh pa fund mëngjese të tilla.
Por natyrisht që mandej, në njëfarë pike, gjen njeriun e duhur (të duhurin për ty, e kam fjalën). Unë nuk ia dola mbanë, por ende shpresoj. Problemi është se njerëzit magjepsen kur në kopshtin zoologjik shohin për herë të parë një gjirafë, por mandej në shtëpi zgjedhin të mbajnë një qenush.
Për këtë arsye do të doja të rriteshe e rrallë si një gjirafë në qytet, por me instinktin shtëpiak të qenushit (që unë kurrë s'e kam pasur).
Do të doja do të doja.
Që të të pëlqente vallëzimi.
Që kur të të kaplojë dëshpërimi kurrë të mos tundohesh të lakmosh lumturinë e të tjerëve, fatet, sukseset e të tjerëve, gjithkund ka mirësi, gjithkund ka ligësi.
Do të doja të të mendoja gjithmonë e më fort nga sa mund të na rastisë.
Mbi autoren
Chiara Gamberale është shkrimtare italiane, prezantuese radiofonike dhe televizive. Ajo ka fituar çmimin Cavour dhe çmimin Campiello. Sot, ajo është një nga autoret më të lexuara në Itali, me 11 vepra të botuara, si dhe e përkthyer në shumë gjuhë të botës.
