Hëna dhe gjashtë pensët, Uilliam Samerset Mom

Titulli: Hëna dhe gjashtë pensët
Origjinali: The moon and sixpence
Gjinia: Roman
Autori: Uilliam Samërset Mom
Shqipëroi: Aleksandër Koli
Shtëpia botuese: Ombra GVG
Viti: 2018
Fq. 352
Pesha: 0.437 kg.
ISBN: 978-9928-06-216-1

Mbi librin

Në vitin 1919, pas vizitës së parë në ishujt Tahiti dhe Samoa, Momi shkruajti romanin "Hëna dhe gjashtë pensët". Subjekti i jashtëzakonshëm artistik, motivet origjinale dhe psikologjia e personazheve i garantuan sukses absolut.

Libri është shkruar me nerv të përkryer letrar dhe gjallëri, duke e bërë për lexuesin mjaft tërheqës. Si subjekt i romanit i ka shërbyer jeta e piktorit të njohur francez, Pol Gogen (1848 – 1903).

Momi shfrytëzoi momentet më të rëndësishme por edhe kritike në biografisë së artistit, angazhimin e tij të vonuar me pikturën, ndarjen nga familja, mospranimin e rregullave të artit akademik deri tek rrugët dhe format e reja të shprehjes artistike.

"Nëse nuk do t'i ngrini sytë lart, por do t'i mbani përtokë, duke kërkuar monedhën e vogël, nuk do ta shihni dot hënën". Ky paragraf është fragment i një letre, për të cilën Momi shpjegon se i ka shërbyer si titull për këtë roman, që konsiderohet nga kritika si një nga veprat më të rëndësishme të letërsisë botërore.