Titulli: Kalda - histori nën lëkurë
Origjinali: OciRoman
Autori: Edo Popoviç
Shqipëroi: Milena Selimi
Shtëpia botuese: Ideart
Viti: 2010
fq. 236
Pesha: 0.28 kg
ISBN: 978-99956-29-67-0
Mbi librin
Kritika e cilëson Edo Popović si një romancier- përfaqësues autentik të 'realitetit të pisët' ku jetojmë, falë stilit të tij të zhdërvjellët, të kursyer, lakonik dhe të ashpër, fjalës së saktë dhe personazheve të besueshëm që krijon.
Kalda, histori nën lëkurë, është një roman mbi jetën e fotografit Ivan Kalda, duke qenë gjithashtu edhe një roman për kohën tonë. Thënë shkurt, një linjë e romanit rrëfen ngjarjet këtu dhe tani, ndërsa linja tjetër afrohet me të shkuarën e largët të personazhit kryesor, deri aty nga vitet '60 të shekullit XX, ku fillojnë dhe kujtimet e tij. E shkuara i shfaqet përpara dhe ajo është ose qesharake, ose dhibsurisht jo e bukur.
Gjithë sa Kalda mendon se e ka hedhur pas shpine, i rishfaqet para syve përmes kohës së rrëfimit retrospektiv. Subjekti mbivendoset, gërshetohet me ngjarje të rënda të dashurisë, shpërfilljes, mungesës së lirisë dhe perspektivës së një njeriu që rritet pa harruar asgjë prej atyre që i lanë gjurmë mbi lëkurë.
"I ngatërruar", siç janë të ngatërruara edhe ndërgjegjet tona, që nuk jetojnë vetëm në të sotmen, është ky libër mbi kujtesën e humbur të fajeve dhe gabimeve mbetur ende pa emër.
Mbi autorin
Edo Popović ka lindur në vitin 1957 në Livno (jugperëndim të Bosnjë -Hercegovinës) dhe jeton në Zagreb. Ka mbaruar studimet në fakultetin e Filozofisë së Zagrebit, në degën e gjuhë-letërsisë kroate dhe letërsi jugoslave. Libri i tij i parë në prozë, Perëndesha të mesnatës, 1987 i dha Edo Popović -it statusin e shkrimtarit kult të viteve '80.
Nga viti 1991-1995 ai botoi reportazhe mbi luftën e Kroacisë dhe Bosnjë-Hercegovinës. Romani tjetër në prozë, Gjumi i gjarpërinjve të verdhë, u botua në vitin 2000. Një vit më pas, ai sjell prozën autobiografike Qen guri. Në vitin 2002 boton novelën Koncert për tekila dhe apaurin dhe në 2004 Kërcimtarja nga Bari Blue.
Vepra të tjera të Edo Popović janë: Klubi - pesë tregime të shkurtra me ilustrime, të lidhura në një vepër (në bashkëpunim me vizatues-ilustratorin Igor Holfbauerom) Nëse një ditë do të vijmë tek ju, Zonja nga Bluda, Histori betoni. Në vitin 2006 ai boton edhe vëllimin tjetër me tregime Histori tatuazhi. Veç këtyre, mes viteve 2003 - 2005, Edo Popović ka botuar edhe romanet: Zagreb, dalje jugu; Djaloshi; Dama; Budalla; Tel.
Në vitin 2006 ai boton edhe trilogjinë Lojëtarët. Krijimtaria e Edo Popović -it është e njohur dhe e botuar në disa gjuhë europiane. Romani Kalda, histori nën lëkurë, është veprae tij e pare në gjuhën shqipe.
