Titulli: Lista e dëshirave të mia
Origjinali: La liste de mes envies
Gjinia: Roman
Autori: Grègorie Delacourt
Shqipëroi: Blerta Hyska
Shtëpia botuese: Pegi
Viti: 2014
Fq. 138
Pesha: 0.151 kg.
ISBN: 978-9928-175-16-8
Mbi libra
Zhoslina jeton në një qytezë të vogël në Francë. Ajo ka një dyqan të vogël tekstilesh dhe ka rritur dy fëmijë. Kohët e fundit ka filluar të pyesë veten se çfarë ndodhi me gjithë ëndrrat që kishte kur ishte shtatëmbëdhjetë vjeçe. A mund të kishte qenë ndryshe jeta e saj?
Një fjalë e vjetër thotë që lotët më të hidhur janë ata që derdhen kur plotësohen dëshirat. Kjo i ndodh edhe Zhosë, protagonistes së këtij romani: "një zemër pa koklavitje", një grua e zgjuar dhe e dashur që shkon një jetë të paqtë, të ushqyer me ëndrra, e cila për një rreng dashamirës e hokatar të fatit, është në gjendje t'i realizojë të gjitha ëndrrat e saj.
Fragment nga libri
Vetëm nëpër libra mund ta ndryshojmë jetën. Mund të fshijmë gjithçka me një fjalë. Të zhdukim peshën e gjërave. Të fshijmë me gomë gjithë poshtërsitë dhe, në fund të fjalisë, të gjendemi në anën tjetër të botës.
Komente mbi librin
"Çfarë është lumturia, çfarë mund të blejnë paratë dhe çfarë i ndodh dashurisë?... Një roman me një tis të hollë e të tejdukshme filozofie që do të tërheqë lexuesit meshkuj dhe femra, si edhe dashamirësit e letërsisë së mirëfilltë apo klubet e librit."
Library Journal
"Ky libër përmban disa mesazhe të thjeshta: për të qenë të lumtur, duhet të jetojmë larg dritave të skenës, modestisht. Ky dorëzim nuk është trishtues. Përkundrazi, lumturia fshihet në skutat e vogla të jetës."
Le Monde
Mbi autorin
Grègorie Delacourt (1960) është shkrimtar dhe krijues francez në fushën e publicitetit. Ka punuar për fushata publicitare për kompani të mirënjohura dhe ka fituar edhe "Luanin e Artë" në festivalin e reklamës në Kanë.
Pas romanit "Shkrimtari i familjes" (2011), i cili u kurorëzua me disa çmime (ndër të cilat çmimi "Pagnol" dhe çmimi "Carrefour për Romanin e Parë"), Grègorie Delacourt shkruan "Lista e dëshirave të mia" (2012). Të drejtat e romanit u shitën në më shumë se 12 shtete pa u botuar ende në Francë.
