Ditët e braktisjes, Elena Ferrante

Olga, një grua ende e re, e qetë dhe e kënaqur, aspak e plogësht në ambjentin e saj familjar, braktiset papritur nga i shoqi dhe rrokulliset në një vorbull të errët, por edhe të njohur nga drama njerëzore. Pasi mbetet e vetmuar me të dy fëmijët dhe qenin, e lënduar thellë shpirtërisht nga dhimbja dhe poshtërimi, nga Torinoja, ku është transferuar prej disa vitesh, rithithet mes fantazmave të fëminisë së saj napoletane, që ia pushtojnë të tashmen dhe e mbyllin në një perceptim të tjetërsuar dhe ndarës të vetvetes. Në këtë çast, nis një rënie shkatërrimtare që të merr frymën, një tregim që të mbërthen dhe të tërheq deri në fundin më të errët, më të dhimbshëm të përvojës femërore.