Titulli: Mbiemri i ri
Origjinali: Storia del nuovo cognome
Gjinia: Roman
Autori: Elena Ferrante
Shqipëroi: Agim Doksani
Shtëpia botuese: Pegi
Viti: 2017
Fq. 490
Pesha: 0.517 kg.
ISBN: 978-9928-228-94-9
Mbi librin
"Mbiemri i ri" është vëllimi i dytë i sagës napolitane, e cila zë fill me romanin jashtëzakonisht të suksesshëm "Mikesha gjeniale". Elena rrëfen historinë e jetës së saj e, në mënyrë të tërthortë, edhe atë të Linës, me të cilën njihet që në klasë të parë.
Në këtë vëllim të dytë, i cili mund të lexohet më vete edhe pa e njohur të parin, historia e ndërvarur e vajzave ndërlikohet më tej. "Mbiemri i ri" i referohet shndërrimit të Linës në zonjën Karraçi, në bashkëshorten elegante të të zotit të sallamerisë.
E megjithatë, siç ndodh rëndom me Ferranten, titulli i referohet edhe Elenës dhe zgjedhjeve që bën ajo në jetën e saj, tashmë fort e ndryshuar dhe larg qytetit të lindjes.
Komente mbi librin
"Saga napolitane nuk është një ndër veprat e para të Ferrantes... Por ajo është vërtetë ndryshe, i përket një rendi artistik krejt tjetër. Nganjëherë ndodh një gjë e tillë: një shkrimtar punon në mënyrë të zellshme e të qëndrueshme për ca kohë dhe pastaj, ndodh njëfarë kapërcimi drejt së jashtëzakonshmes... Duhet të jemi mirënjohës. Kur kjo epope, kaq e populluar, të mbyllet, ne lexuesve do të na mbetet ajo shije që presim më me ëndje nga proza letrare: një botë e mbushur plot jetë."
New Republic
"Romanet e saj janë personale në mënyrë intensive dhe të dhunshme, dhe për këto arsye duket sikur i joshin lexuesit duke tundur ca çelësa tringëllues, të vetmit që mund të çelin rrëfime sekrete."
The New Yorker
"Aftësia e Ferrantes për të rikrijuar vetë jetën rrjedh sa nga ritmi i qetë, i shtruar, i penës së saj, po aq edhe nga njerëzit dhe ngjarjet që përshkruan."
The New York Times Book Review
"Ta mbushësh prozën me energjinë e patretur të jetës, ta bësh atë jo thjesht "ca fjalë mbi një letër", por një forcë rrënjësore, është një arritje artistike madhore, më e vlefshme se çdolloj fjalie e bukur: Ferrante e ka bërë këtë."
The Financial Times
"Shumë më i gjallë dhe tronditës se libri i parë... I vetmi libër që më ka bërë të këlthas për diçka që kam lexuar në rrëfimin e tij..."
The Guardian
"... I kthjellët, i ndershëm, ku ndodhitë, ndodhitë e zakonshme të jetës, janë jashtëzakonisht tërheqëse në lexim."
The Times Literary Supplement
