Titulli: Amerikë '62, de profundis
Origjinali: Αμερική 62: De Profundis
Gjinia: Roman
Autori: Panos Ioannides
Shqipëroi: Kleo Lati
Shtëpia botuese: Ombra GVG
Viti: 2017
Fq. 497
Pesha: 0.692 kg.
ISBN: 978-9928-06-183-6
Mbi librin
Libri "Amerikë '62" bazohet në shënimet që shkrimtari Panos Ioannides ka mbajtur diku mes tetorit të vitit 1962 dhe majit 1963 gjatë qëndrimit në Shtetet e Bashkuara. Në vitin 2003, kur autori po shkruante një roman autobiografik, përdori shënimet e mbajtura dyzet vite më parë, të cilat nuk e kishin humbur emocionin dhe rëndësinë e tyre.
Romani rrëfen se si historia dhe biografia e personazheve kryesore ndikojnë reciprokisht tek njëri tjetri. Arkondidhi është grek ndërsa Ozguli është turk. Por pavarësisht tensioneve politike mes dy vendeve, pavarësisht fyerjeve mes grekëve të krishterë dhe turqve muslimanë, kësaj situate krejtësisht absurde në Qipro, Arkondidhi dhe Ozguli bëhen miq të mirë.
Në tetor të vitit 1962, gazetarit qipriot Petro Arkondidhi i akordohet një bursë nga Universiteti i Sirakuzës në Nju Jork. Mes shumë gazetarëve nga vende të ndryshme të botës, që ndjekin të njëjtin program, është gazetari turk Mehmet Riza Ozguli. Edhe pse në Qipron e ndarë ka shumë armiqësi mes turqëve dhe grekërve, Arkondidhi dhe Ozguli shumë shpejt bëhen miq.
Për Petro Arkondidhin, ky udhëtim drejt një bote të re ka dy pamje. Nga njëra anë ai është i kushtëzuar nga një element tërësisht i jashtëm: hapësirat në të cilat lëviz, njerëzit që takon, situatat në të cilat është përfshirë, mundësitë dhe vështirësitë që përjeton gjatë shtegtimit si një Odise i kohëve moderne, dhe nga ana tjetër, është përhumbja në universin e tij të brendshëm, në nën – ndërgjegje, në antibotën komplekse, ku Amerika heraherës ngrihet madhështore, dhe më pas fundoset e tëra para këmbëve të tij.
