Titulli: Në kohën e fluturave
Origjinali: In the Time of the Butterflies
Gjinia: Roman
Autori: Julia Alvarez
Shqipëroi: Adrian Beshaj
Shtëpia botuese: Dudaj
Viti: 2013
Fq. 416
Pesha: 0.403 kg.
ISBN: 978-99943-0-312-0
Mbi librin
Më 25 nëntor të vitit 1960, tri motra të bukura u gjetën pranë Jeep-it të tyre të shkatërruar në fund të një humnere në bregdetin verior të Republikës Dominikane. Gazeta zyrtare shtetërore e raportoi vdekjen e tyre si aksidentale. Por nuk përmendi që motra e katërt jetonte ende. Nuk shpjegoi gjithashtu se motrat ishin midis krerëve opozitarë kundër diktaturës së gjeneralit Rafael Leonida Trujillo. Dhe nuk kishte përse ta bënte këtë. Të gjithë i njihnin Las Mariposas - Fluturat.
Në këtë roman të jashtëzakonshëm, zërat e katër motrave (Minervës, Patrias, Maria Teresës dhe të mbijetuarës, Dedesë) flasin përmes dekadave për të rrëfyer historitë e tyre - nga kordelet e flokëve dhe sekreteve të fshehura, te kontrabanda e armëve dhe torturat e burgut - dhe për të përshkruar tmerret e përditshme të jetës nën sundimin e Trujillo-s.
Komente mbi librin
"Një tablo e mahnitshme dhe e fuqishme e historisë së një familjeje dhe të një kombi."
The Dallas Morning News
"Një roman i mrekullueshëm dhe prekës... Një histori magjepsëse kuraje, patriotizmi dhe devotshmërie familjare."
People
Mbi autoren
Julia Alvarez u largua nga Republika Dominikane për në Shtetet e Bashkuara të Amerikës në vitin 1960, në moshën dhjetëvjeçare. Ajo është autore e gjashtë romaneve, dy librave joletrarë, tri përmbledhjeve me poezi dhe tetë librave për fëmijë dhe adoleshentë.
Krijimtaria e saj ka marrë kudo vlerësime të mëdha, përfshirë Latina Leader Award-in në letërsi në vitin 2007, akorduar nga Instituti i Kongreseve Hispanike Caucus. Në vitin 2002 mori çmimin e Trashëgimisë në Letërsi, ndërsa në vitin 2000 u zgjodh Gruaja e Vitit nga revista Latina...
Alvarez dhe bashkëshorti i saj, Bill Eichner, kanë themeluar në Alta Grasia - në vendlindjen e saj, në Republikën Domenikane - një qendër artesh që funksionon edhe si kafene letrarësh.
Në vitin 2009, romani "Në kohën e fluturave" u zgjodh nga Dhurimi Kombëtar për Artet për programin e tij kombëtar të Leximit të Madh.
