Titulli: Revolta e Atlasit, vëllimi i parë
Origjinali: Atlas Shrugged
Gjinia: Roman
Autori: Ayn Rand
Shqipëroi: Amik Kasoruho
Shtëpia botuese: Pegi
Viti: 2012
Fq. 424
Pesha: 0.48 kg
ISBN: 978-9928-162-15-1
Mbi librin
Nuk ndodh shpesh që zgjedhjet amerikane të ndezin debate mbi një filozof, por që kur Mitt Romney zgjodhi Paul Ryan – in si kandidat për zëvendëspresident, bisedat kanë filluar të rrotullohen rreth ideve të shkrimtares – filozofe Ayn Rand. Thuhet që Ryan është një adhurues i Rand – it dhe, megjithëse është stërmunduar ta largojë veten nga e gjithë filozofia e saj, ai vazhdon të pranojë se romani "Revolta e Atlasit" është një histori e madhërishme.
Ryan nuk është i vetmi që e mendon këtë. Që nga kriza financiare e vitit 2008, romani i Rand – it, i shkruar në 1957, ka shitur më shumë se 1.5 milon kopje. Interesante është se pothuajse të gjitha ato shitje i përkasin SHBA – së. Pse kaq shumë amerikanë duke filluar që nga studentët e deri te politikanët, flasin për romanin e Rand – it? Pse në Evropë librat e saj jane relativisht më të lënë pas dore? Pëgjigja e të dyja pyetjeve është e njëjta: "Revolta e Atlasit" është një himn ndaj shpirtit amerikan.
Shpirti amerikan karakterizohet nga pavarësia, individualizmi, liria politike, liria ekonomike dhe ambiciet prodhuese. Ky është kuptimi i jetës, mrekullisht i përmbajtur në sloganin e Revolucionit Amerikan: "Mos më nëpërkëmb". Ishte i njëjti shpirt që i shtyu shumë amerikanë t'i kundërviheshin zgjerimit të ndërhyrjes dhe fuqisë shtetërore në 2008.
Ata jo vetëm qe e shihnin "qeverinë e madhe" si një kërcënim ndaj ekonomisë, por ajo ishte një përbuzje ndaj gjithë asaj që përfaqëson Amerika. Pas tetë vjetësh me Bushin dhe tetë muajsh me Obamën, ata nuk e duruan më nëpërkëmbjen. Atlasi i flet këtij shpirti. Në një botë, fatkeqësisht të ngjashme me tonën, në një botë ku ekonomia po shkatërrohet, ku qeveria ndërhyn gjithmonë e më shumë dhe ku individët prodhues denoncohen dhe sfiliten për të mirën e individëve parazitë, tregohet historia e burrave dhe grave që vendosin ta ndalojnë nëpërkëmbjen.
Megjithëse Rand – i po i fliste kryesisht amerikanëve, ajo nuk po u fliste vetëm atyre. Ajo mendonte se shpirti i Amerikës është i hapur ndaj çdo individi të gatshëm të mendojë. Sot, teksa shtetet evropiane po ndërhyjnë gjithmonë e më shumë në ekonomi, ai shpirt dhe idetë e "Revoltës së Atlasit" janë të nevojshme më shumë se kurrë.
Komente mbi librin
"Revolta e Altasit" është një celebrim i jetës dhe i lumturisë... Individët krijues, qëllimet e pastra dhe racionaliteti arrijnë gëzimin dhe përmbushjen. Parazitët, që vazhdimisht shmangin qëllimshmërinë dhe arsyen, shkatërrohen me të drejtë."
Alan Greenspan, Kryetar i Fed (1987 – 2006)
"Sa herë që qeveritë ndërhyjnë në treg, lexuesit nxitojnë të blejnë "Revoltën e Altasit". Pse? Arsyeja kuptohet, nga emri i një grupi të krijuar së fundmi në Facebook: "I lexuar lajmet sot? Duket sikur "Revolta e Altasit" po ndodh në jetën e vërtetë."
The Economist, 2009
Fragment nga libri
-Është vëllai yt, - tha me një zë që i përngjiste atij diskut të prishur që përsërit një formulë magjike, të cilën ajo as nuk mund ta vinte në dyshim. – Ka nevojë të gjejë një pozitë në botë. Ka nevojë për një rrogë, në mënyrë që ta ndiejë se paret i jepen ngaqë i takojnë, dhe jo si lëmoshë.
-Pse i takuakan? Ai nuk vlen asnjë qindarkë për mua.
-Kjo është gjëja e parë që të shkon ndër mend? Fitimi yt? Po të kërkoj të ndihmosh vëllanë tënd e ti po mendon si mund të fitosh një qindarkë më shumë dhe nuk pranon ta ndihmosh, nëse ti nuk fiton gjë?... Kështu?
Mbi autoren
Ayn Rand (1905, Shën Pjetërburg – 1982, Nju Jork) ishte një shkrimtare dhe filozofe amerikane. Ajo është shkrimtarja e parë që ka mbrojtur në mënyrë të flaktë një ideologji të bazuar në lirinë individuale, egoizmin racional, etik dhe kapitalizmin ekstrem "laissez – faire". Librat dhe mendimi i saj kanë qenë shumë ndikues në SHBA.
