Askush nuk na vështron, Jose Luis Peixoto

Titulli: Askush nuk na vështron
Origjinali: Nenhum Olhar
Gjinia: Roman
Autori: Jose Luis Peixoto
Shqipëroi: Ermira Danaj
Shtëpia botuese: Ombra GVG
Viti: 2018
Fq. 240
Pesha: 0.304 kg.
ISBN: 978-9928-06-223-9

Mbi librin

Në një fshat të varfër të Alentezhos, autori vizaton figura njerëzish, të ashpërsuar nga uria dhe puna, nga dashuria, xhelozia dhe dhuna: bariu i heshtur që sheh botën ti shkërmoqet kur djalli i pëshpërit që gruaja e mashtron; gruaja e Jozefit, e vuajtur deri në pamundësi; Gabrieli i vjetër dhe i mençur, i besuar dhe këshilltar; binjakët siamez Elia dhe Moisiu; vetë Djalli, etj.

Karakteret e Peixotos janë universalë, siç është shpresa e tij përballë vështirësive. Paradoksalisht, edhe pse autori e vendos ngjarjen në një fshat të varfër të Portugalisë, ky fshat mund të jetë kudo, mund të jetë çdo fshat i varfër e i përcëlluar nga dielli, në çdo vend të botës. Imazhet që sjell Peixoto, flasin pa fjalë janë të veçanta e të paharrueshme...

Natyra shfaqet si një forcë madhore dhe fuqia dhe talenti i Peixotos dalloheni pikërisht tek dëshira e tij për të imituar aftësinë e natyrës për të krijuar dhe shkatërruar në të njëjtën kohë.

Fragment nga libri

Bota mbaroi, si mbyllja e syve ku nuk shihen as gjërat që i shohim me sy mbyllur. Fëmijët vdiqën, dhe bashkë me ta edhe e qeshura e tyre ashtu e shpërhapur nën dritën e diellit të të shtunave në gusht.

Bota mbaroi, si e përpirë nga nata që zbriti prej qielli, dhe kurrë më nuk u dëgjuan të qeshura fëmijësh, kurrë më nuk ishte e shtunë, kurrë më nuk ishte gusht, kurrë më nuk kishte dritë dielli.

E kjo mungesë e botës, nuk ishte as mungesë, nuk ishte as hapësirë bosh ku më parë jetonte dikush që ka vdekur sepse kjo mund të ndjehej. Ishte një natë e pafund që kishte mbledhur të gjitha frikërat e të gjitha netëve që prej natës së parë të botës. Por edhe frika nuk ekzistonte sepse askush nuk ekzistonte që ta ndjente.

Komente mbi librin

"José Luís Peixoto është një nga zbulimet më të habitshme në literaturën e sotme portugeze."

Jose Saramago

"Rrëfime të jetës së vështirë në varfëri, të sjella në mënyrë brilante... Pathosi i Peixotos është i rrahur nga një absurd i sjellë me mprehtësi. Ndjeshmëria e tij ironike shkëlqen në këtë vepër."

Financial Times

"Ky libër e vendos lexuesin përballë pyetjesh dhe sfidash të vështira..."

The Australian

"Ky libër lexohet si një gotë jete e kthyer me fund."

Le Figaro

Mbi autorin

José Luís Peixoto ka lindur në 1974, në Galveias, Portugali. Ka studiuar gjuhë dhe letërsi moderne në Universitetin Nova në Lisbonë. Është autor i shumë romaneve, tregimeve, poezive dhe pjesëve teatrale.

Në vitin 2001 fitoi çmimin Jose Saramago me romanin "Nenhum Olhar", dhe në vitin 2013 fitoi çmimin Salerno Libro d'Europa, për "Livro". Në dhjetor të vitit 2016 ai fitoi çmimin Oceanos – Çmimi i Letërsisë në Gjuhë Portugeze- me librin e tij "Galveias". Veprat e tij janë përkthyer në më shumë se njëzet gjuhë.