Gruaja e togerit freng, John Fowles

Titulli: Gruaja e togerit frëng
Origjinali: The French Lieutenant's Woman
Gjinia: Roman
Autori: John Fowles
Shqipëroi: Parid Teferiçi
Shtëpia botuese: Pegi
Viti: 2017
Fq. 464
Pesha: 0.521 kg.
ISBN: 978-9928-248-32-9

Mbi librin

Ndër librat bestseller më të dashur në botë, "Gruaja e togerit frëng" është një nga romanet më interesante të letërsisë angleze bashkëkohore, në të cilin shkrihen mjeshtërisht ëndrrat joshëse dhe realiteti zhgënjyes.

Çarls Smithson, një burrë i ri në prag martese, që gëzon një pozitë shoqërore për t'u pasur zili, njihet krejt rastësisht me Sara Udrafin. Ajo nuk ia ndan sytë detit ku është zhdukur togeri frëng, për të cilin të gjithë thonë se ka qenë dashnori i saj.

E dënuar nga opinioni publik, e pakuptuar as nga ata që i qëndrojnë më pranë, e reja mbart një sekret të madh, një pasion të papërmbajtshëm dhe një ankth për lirinë që mund t'i thyejë të gjitha rregullat e hekurta të moralit viktorian.

Çarlsi bie në dashuri me Sarën dhe bëhet njëherazi viktimë dhe bashkëpunëtor i këtij rebelimi.
Romanca e tyre do të sfidojë rregullat mbytëse të shoqërisë së asokohshme, ndërsa kapërcimi i pengesave do të përmbysë paragjykimet e vetë personazheve, por edhe të lexuesve.

I renditur nga Time Magazine në listën e 100 veprave më të mira të gjuhës angleze, romani "Gruaja e togerit frëng" është një nga shembujt më të njohur dhe të arrirë të letërsisë postmoderne.

Fragment nga libri

... të kaluarën tënde nuk e mendon edhe aq reale: ti e vesh, e stolis ose e nxin, e censuron, e arnon... me një fjalë, e trillon si roman dhe e vendos në një raft librin tënd autobiografik. Të gjithë i arratisemi realitetit të vërtetë. Ky është përkufizimi themelor i Homo Sapiens – it.

Komente mbi librin

"I mbushur me mistere magjepsëse që kërkojnë zgjidhje, por zgjidhjet fshihen deri në faqen e fundit. Edhe më tej. Kur e mbarova, e nisa përsëri, duke kërkuar gjurmët që nuk i kisha vënë re më parë, duke analizuar fillimin, tani që njihja fundin."

The New York Times

"Një roman – lojë i mrekullueshëm, ku gjetjet e shkëlqyera postmoderne i shtohen mprehtësisë së personazheve klasike."

Time Magazine

"Një sukses i shkëlqyer... një shkrim i zjarrtë, si dhe një shembull i patëmetë rrëfimtarie."

Financial Times

"Edhe sikur ta lexoni disa herë këtë libër, do të gjeni gjithmonë diçka të re dhe do të bini gjithmonë në dashuri me Çarlsin e ngratë."

Daily Mail