Titulli: Mbreti i Shelgjeve, Zogjtë e Muzave
Origjinali: Mesilased
Gjinia: Roman
Autori: Meelis Friedenthal
Shqipëroi: Orkida Muça
Shtëpia botuese: Fan Noli
Viti: 2017
Fq. 264
Pesha: 0.341 kg.
ISBN: 978-9928-203-93-9
Fragment nga libri
Mori një penë pate dhe bojë nga sënduku i tij dhe shkroi me nxitim në një fletë letre të bardhë. Një mbret, shelgje, një ndërtesë në formë qivuri. Ai e dinte nga përvojat e kaluara se pa patur një pikë referimi, ëndrrat e tij shumë shpejt do të harroheshin, madje edhe kujtimi i tyre nuk do të mbetej më.
Fillimisht nja dy fjalë do të mjaftonin, më pas njeriu do të lejonte kujtesën bashkëshoqëruese të bënte punën e saj, sikurse ka shkruar edhe Aristoteli. Kishte shumë gjasa që njëfarë ngjarje në dukje pa lidhje do t'i mundësonte atij të kujtonte të gjithë ëndrrën, ose të paktën një pjesë të saj.
Ai palosi në dysh fletën e letrës, e futi përsëri në valixhen e tij dhe qëndroi atje i pavendosur. Tundi kokën, u ul në gjunjë prandë sëndukut të tij dhe lexoi psallmin e parë: "Ai do të jetë si një pemë, e mbjellë gjatë brigjeve të ujit, që jep frytin e tij në stinën e tij dhe të cilit gjethet nuk i fishken; dhe gjithçka bën do të ketë mbarësi."
