Titulli: Një e dhjetë
Origjinali: Tio óver ett
Gjinia: Roman
Autori: Ann – Helén Laestadius
Shqipëroi: Nertila Koka
Shtëpia botuese: Ombra GVG
Viti: 2018
Fq. 312
Pesha: 0.401 kg.
ISBN: 978-9928-06-220-8
Mbi librin
Kush do ta zgjojë nënën, babanë dhe motrën e vogël kur shtëpinë ta përpijë gropa e madhe e minierës? Poshtë krevatit në një çantë kampingu, Maja ka vendosur rroba, një elektrik dore dhe gjëra të tjera të rëndësishme, që do ti nevojiten kur të zhvendoset nga shtëpia.
Edhe pse familja e saj do të strehohet në një vend tjetër, ajo është e vendosur për të mos e braktisur shtëpinë e vjetër, rreth së cilës ka thurur të gjitha ëndrrat. Maja nuk beson në deklaratat e politikanëve lokalë dhe drejtuesve të kompanisë, se qyteti nuk mund të shembet, sepse ajo ndjen për çdo natë që toka lëkundet pa fund nga shpërthimet në minierë.
Maja edhe pse i përjeton me emocione largimin e Julias, shoqes së saj të ngushtë, që është zhvendosur nga qyteti si dhe dashurinë e Albinit, djali i zemrës së saj, me një nga lojtaret e bukura të hendbollit, gropa e minierës që nga çasti në çast do të hapet dhe do ta përpijë qytetin, është trishtimi më i madh i jetës?
Komente mbi librin
"Maja e zemëruar dhe e trishtuar ngaqë është e detyruar që ta braktisë shtëpinë, e mbërthyer nga frika se Kiruna, qyteti i saj i lindjes do të fundoset brenda në gropën e minierës, e vendos alarmin çdo natë në orën një e dhjetë, pikërisht në orën kur minatorët kryejnë shpërthimet e natës në minierë.
Ajo është e detyruar që të rrijë netëve pa gjumë për të shpëtuar familjen, që "katastrofa" të mos i gjejë në befasi. Romani i Ann-Helén Laestadius rrëfen psikologjikisht se çfarë do të thotë të jetosh çdo natë me frikën, se si kujtimet të rrëmbehen dita ditës dhe ëndrrat e adoloshencës të shkatërrohen çdo çast, dhe individi ndjehet i pafuqishëm që ti parandalojë ato.
Ky roman përshkruan atmosferën e pikëllimit të përbashkët të një komuniteti, ndikimin dhe rolin e shoqërisë civile si dhe politikat lokale për zhvillim. Është një apologji mbresëlënëse mbi dashurinë dhe miqësinë."
The August Prize Jury
"Ky roman i shkruajtur me delikatesë dhe emocion, ngre një problem madhor për të gjitha kohrat që është: humbja e adoloshencës përballë forcës dhe pushtetit të korporatave..."
Swedish Book Review
Mbi autoren
Ann – Helén Laestadius, gazetare dhe shkrimtare suedeze, ka lindur në vitin 1971. Romani "Një e dhjetë", është pritur me shumë interes nga lexuesit dhe kritika dhe është vlerësuar me "August Prize 2016".
Laestadius jeton në Stokholm.
