Bija plengprishese, Jeffrey Archer

Titulli: Bija plëngprishëse
Origjinali: The Prodigal Daughter
Gjinia: Roman
Autori: Jeffrey Archer
Shqipëroi: Aleksandër Koli
Shtëpia botuese: OMBRA GVG
Viti: 2015
Fq. 688
Pesha: 0.755 kg.
ISBN: 978-9928-06-116-4

Mbi librin

E bija e Abelit, emigrantit polak, Florentina Rosnovski, ndan të njëjtën dashuri për Amerikën dhe ka të njëjtat ideale dhe ëndrra për të ardhmen si i ati. Por ëndrra e saj e madhe është që të ulet në karrigen e Presidentit të Shteteve të Bashkuara.

Djali i artë, Riçard Kein ka lindur në luks. Është pasardhësi i një manjati bankier, është i pashëm, i suksesshëm, dhe i vendosur për të çarë vetë rrugën në jetë, dhe për të ndërtuar të ardhmen me gruan që dashuron.

Kur nuk janë më shumë se një hap larg nga realizimi i ëndrrës së Florentinës, befas gjenden në pragun e çmimit shkatërrues të pushtetit.., betejës titanike të tradhtisë e mashtrimit që zgjohet nga e shkuara, nga hakmarrja midis dy brezave shfaqet kërcënuese për të shkatërruar gjithçka që Florentina dhe Riçardi kanë luftuar për të arritur.

Ky libër është vazhdimi i sagës së "Keini dhe Abeli" dhe vazhdon të zbulojë detaje emocionuese të jetës së Florentinës–bijës së multimilionerit Abel Roznovski.

Ngjarjet e këtij romani shtrihen në një hapësirë kohore prej gjashtëdhjetë vitësh. Ato zënë fill me formimin e Florentinës, duke vazhduar me krijimin e familjes, karrierën dhe sukseset akademike dhe kulmojnë me përfshirjen e saj në politikë.

Pas vdekjes së babait, Abelit, Florentina zgjidhet në krye të Grupit Baron të hotelerisë, duke e drejtuar suksesshëm nga viti në viti atë. Qënia në krye të grupit, prekja e të gjitha majave të suksesit, përveçse përvojë, i ka rizgjuar pasionin për ëndrrën e fëmijërisë së hereshme, për të qenë edhe një udhëheqëse në politike, për të qenë lidere e botës!

Në këtë botë të egër e të errët, të dominuar historikisht vetëm nga burrat, Florentina përballet me beteja të shumta. Por a do të mbijetojë ajo përballë këtyre betejave dhe a do të bëhet Florentina Roznovski gruaja e parë president e Shteteve të Bashkuara të Amerikës?

Karriera e Florentinës është e rrethuar nga shumë dashuri, intriga, komplote suksese dhe fatkeqësi. Ajo që e bën befasues dhe njëkohësisht tronditës këtë libër, është qartësia e mendimit, mos kapitullimi para situatave të vështira dhe ringritja me forcë, edhe atëherë kur mendon se shpresa ka vdekur...

Mbi autorin

Shpesh është thënë se vetë historia e Jeffrey Archer do të ishte një bestseller ndërkombëtar. Ai ka lindur në Londër dhe është rritur në Somerset. Është djali i një tipografi dhe u shkollua në Wellington School dhe Brasenose College, Oxford. Pasi u largua nga Oksfordi u zgjodh në Greater London Council dhe tre vjet më vonë, në moshën 29 vjeçare u bë Member of Parliament for Louth.

Pas pesë vitesh në Commons dhe me një karrierë politike mjaft premtuese investoi në kompaninë kanadeze të quajtur Aquablast, duke ndjekur këshillën e Bankës së Bostonit. Kompania falimentoi dhe përfundoi në likuidim total. Ai së bashku me tre drejtues të saj u futën në burg për mashtrim. Mbasi kishte kryer katër vitet e dënimit, u lirua në 2003.

Jeffrey Archer është i martuar prej 46 vjetësh me Mary Archer, e cila deri në 2012 ishte kryetare e Cambridge University Hospitals NHS Foundation Trust. Çifti ka dy djem, William dhe James dhe jetojnë mes Londrës dhe Kembrixhit. Është autor i mbi 30 romaneve shumë të suksesshëm.