Vajzat, Emma Cline

Titulli: Vajzat
Origjinali: The girls
Gjinia: Roman
Autori: Emma Cline
Shqipëroi: Anxhela Çikopano
Shtëpia botuese: Morava
Viti: 2016
Fq. 320
Pesha: 0.394 kg.
ISBN: 978-9928-208-22-4

Mbi librin

Kalifornia e Veriut gjatë fundit të dhunshëm të viteve '60. Në fillim të verës, një adoleshente e vetmuar dhe e menduar, Ivi Boid, shikon një grup vajzash në park dhe e mbërthen në çast liria e tyre, moskokëçarja mbi veshjet, aureola e rrezikshme e braktisjes.

Shumë shpejt, Ivi skllavërohet pas Suzanës, një vajzë hipnotizuese, më e madhe në moshë, dhe hyn në magjepsjen e një kulti që shumë shpejt do të kthehet në një rreth famëkeq, nën ndikimin e një burri që është udhëheqësi frymëzues i tyre.

Fshehur mes kodrave, ferma ku rrojnë është e frikshme dhe e shkatërruar, por Ivit i duket ekzotike, drithëruese, plot energji: një vend ku ajo dëshiron dëshpërimisht të jetë pjesë. Ndërsa kalon gjithmonë e më shumë kohë larg së ëmës e ritmit të zakonshëm të jetës së saj, fiksimi pas Suzanës i shtohet dhe Ivi nuk e kupton që po i afrohet gjithmonë e më shumë një dhune të paimagjinueshme.

Komente mbi librin

""Vajzat" është një histori ndjellëse e një vajze që po rritet, e cila të rrëmben krejt. Rrëfyer me fjali që ndonjëherë janë aq të fisme, sa mund t'i mbash si stoli... një histori veshur me cipë magjike. Cline mrekullisht shtron në një hartë topografinë e zemrës së një adoleshenteje të rrënuar nga vetmia. Ajo na sjell të vërtetën e trilluar të një vajze që rend pas rrezikut, paçka se nuk arrin ta kuptojë këtë, në një verë plot lëngata e humbje."

The New York Times

""Vajzat" është një vepër e jashtëzakonshme vetëpërmbajtjeje. Me pjekurinë e një shkrimtareje sa dyfishi i moshës së saj, Cline ka shkruar një roman që nuk ka nevojë të shtiret për t'u dukur: një rrëfim i shtruar që zien në vetvete nga malli e tmerri... nuk ka pikë dyshimi se romane debutuese si ky janë të rrallë."

The Washington Post