• Banner

Mami, Brendan O'Carroll
  • Mami, Brendan O'Carroll

Mami, Brendan O'Carroll

Anjeza Brauni është një grua e fortë – mjaft e fortë për t'u përballur me vejërinë, shtatë fëmijët, apartamentin me qira dhe rraskapitjen e përditshme me tezgën e saj në rrugën "Moore". Por edhe gruas më të fortë i lipset pak ndihmë dhe një ëndërr për t'i dhënë forcë të vazhdojë...

7,29 
Sasia
Në gjendje

Përshkrimi

Titulli: Mami
Origjinali: Mother
Gjinia: Roman
Autori: Brendan O'Carroll
Shqipëroi: Artan Miraka
Shtëpia botuese: Botart
Viti: 2015
Fq. 172
Pesha: 0.201 kg.

Mbi librin

Anjeza Brauni është një grua e fortë – mjaft e fortë për t'u përballur me vejërinë, shtatë fëmijët, apartamentin me qira dhe rraskapitjen e përditshme me tezgën e saj në rrugën "Moore". Por edhe gruas më të fortë i lipset pak ndihmë dhe një ëndërr për t'i dhënë forcë të vazhdojë...

Koment nga autori

Kur lindi ky libër isha ulur në një prej hoteleve "Hilton", në Orlando të Floridës. Ishte viti 1994 dhe Republika e Irlandës qe kualifikuar për në finalet e Kupës Botërore të Futbollit.
Atëherë sapo kisha nisur të vija emër si humorist në Irlandë dhe Tim O'Connor-i, kreu i programit sportiv të RTE-së (Televizioni Publik Irlandez) më kishte punësuar që të shoqëroja skuadrën në aventurën e saj e të bëja copëza humori për publikun që na ndiqte nëpërmjet ekranit në atdhe.

Domethënë, puna ime ishte që një herë në dy ditë të shkruaja një pjesëz treminutëshe. Të gjithë ata që më njohin e dinë mirë se sa të lajthitur më bën mua një punëz e tillë. Ndaj, meqë kisha kohë me bollëk, bleva një bllok e një stilolaps të ligjshëm dhe mendova të shkruaj.
Po çfarë të shkruaja?

Para disa muajsh, aktori i magjishëm Gabriel Byrne më kishte dhënë një libër të Syd Field, të titulluar "Skenari". Ai është një libër i mrekullueshëm që duhet ta lexojë çdo shkrimtar që aspiron të bëhet skenarist. Aty skenaristit i sugjerohet që të kompozojë një "histori prapaskene" për personazhin kryesor të filmit të tij. Rreth njëzet faqe që përshkruajnë jetën e tij para se të takohet me ne.

Skenaristi mund të mos e përdorë kurrë, por ajo i hyn goxha në punë kur personazhi has pengesa gjatë filmit – duke e ditur historinë e tij të prapaskenës, ajo i jep idenë se si t'i kapërcejë. Pra, ja se ç'vendosa të shkruaja! Por nuk bëhej fjalë për film.

Atëkohë kisha në duar një serial komik pesëminutësh të titulluar "Djemtë e zonjës Brauni", që shfaqej nga e hëna deri të premten në shfaqjen e Gareth O'Callaghan-it. "Ç'ushtrim i përkryer! – mendova. – Një histori prapaskene njëzetfaqëshe për zonjën Brauni."

Kështu e nisa. Pak a shumë. Se s'po vendosja dot se ku ta filloja historinë. Nuk doja t'i hyja fëmijërisë së saj, sepse për këtë do të më lipseshin kërkime në "kohë". Ndaj vendosa ta filloja ditën kur ajo u bë vejushë. Hapa bllokun dhe nisa të shkruaja. Prisja që ato njëzet faqe të më hanin jo më shumë se një orë.

Mirëpo edhe pas dy javësh vazhdoja të shkruaja. Njëzeta u bë tridhjetë, dyzet dhe vazhdoi më tej. Në kohën që e lashë punën, kisha shtjelluar vetëm nëntë muajt e parë të vejërisë së saj. E mbylla bllokun i kënaqur dhe nuk e vrava më mendjen për të.

Më vonë, gjatë kthimit, ndërsa flisja në telefon me menaxherin tim të atëhershëm, Pat Egan, i përmenda shkrimin. Pati më telefonoi pas tri ditësh dhe më tha se kishte folur me Michael O'Brien, botuesin e "The O'Brien Press" dhe se ata e donin "librin". "Po ai s'e ka lexuar ende?!" – e kundërshtova pak me frikë se mos e dreqosja. Pati ma ktheu: "Ai nuk do t'ia dijë po qe se bëhet fjalë për zonjën Brauni. Ai e do."

"Mami" u hodh në qarkullim vetëm disa muaj më vonë dhe që javën e parë zuri vendin e parë në listën e librave më të shitur. Seriali radiofonik pesëminutësh shpuri te ky libër, i cili shpuri te tre libra të tjerë, të cilët më bënë të shkruaj një skenar filmi – Anjeza Braunin të luajtur nga Angelica Huston.

Paskëtaj shkrova pesë komedi, fituese çmimesh, në të cilat e luajta vetë zonjën Brauni. Ato u pasuan nga shtatë filma në DVD, të cilët u shitën gjithashtu në mbi një milion kopje, dhe tani një serial televiziv, "Djemtë e zonjës Brauni", që ka thyer rekordet e publikut si në BBC 1 edhe në RTE, e ku në trupën e aktorëve përfshihen ime shoqe, vajza, djali, motra, kunata, dhëndri dhe, s'do mend, UNË! Dikush më pyeti njëditëzaj: "Si po të shkojnë punët?" Iu përgjigja me sinqeritet: "Më mirë do të më vinte turp!"

Blloku i ligjshëm më kushtoi një dollar, stilolapsi vetëm pesëdhjetë cent. Ai një dollar e gjysmë investim ka ushqyer, shkolluar e strehuar fëmijët e mi dhe nipërit për këto shtatëmbëdhjetë vitet e fundit. Uroj që leximi i këtij libri t'ju dëfrejë po aq sa më dëfreu edhe mua kur e shkrova. Dhe, meqë e bletë... faleminderit prej gruas sime, faleminderit prej familjes sime dhe faleminderit prej meje!

Mbi autorin

Brendan O'Carroll është një nga dëfryesit më të suksesshëm irlandezë; një autor i brohoritur, aktor, udhëheqës artistik, skenarist dhe dramaturg. Gjatë karrierës së tij e ka kthyer "Prekjen e Midas" së vet në një gamë të gjerë projektesh: nga shfaqja e tij e famshme radiofonike "Djemtë e zonjës Brauni" në novelat bestseller "Mami", "Skalitësit" dhe "Gjyshja". "Mami" është kthyer gjithashtu në një film mjaft të suksesshëm, ku Anjeza Brauni luhet nga aktorja e famshme Anjelica Huston.

Detajet e librit
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13KB)
Ndoshta mund të pëlqejë edhe

Botuesi: Pegi

Rebeka, Daphne du Maurier

Historia, e cila përmban elemente të romancës, misterit dhe romanit gotik, sfidon kategorizimin e lehtë: ajo është një rrëfim mbi sekretet dhe tradhtinë, është historia e ekuilibrit të pushtetit midis meshkujve e femrave dhe, natyrisht, siç e ka cilësuar vetë autorja, është një studim mbi xhelozinë, kësaj nepërka që jeton në skutat më të errëta të...

Çmimi 10,41 
More
Ne gjendje
16 libra të tjera në këtë kategori:

Botuesi: Pegi

Kënga e Penelopës, Margaret Atwood

 E mbetur vetëm për njëzet vjet, qysh kur Odisea u nis në luftën e Trojës, pas Trëmbimit te Helenës, Penelopa, edhe perballë thashethemeve skandaloze, arrin të ruajë mbretërinë e Itakës, të rrisë të birin rebel e të mbajë nën fre më shumë se njeqind mëtues. Kur Odisea, më së fundi, kthehet në shtëpi, pas shumë e shumë peripecish, vet gjithë mëtuesit, si...

Çmimi 8,33 
More
Në gjendje

Botuesi: Dituria

Tirza, Arnon Grunberg

Romani flet për dashurinë e një ati për bijën, për konfliktin e tij të brendshëm, për njeriun që përpiqet të frenojë dhe maskojë veten në shoqërinë moderne. Deri në çfarë mase njerëzit modernë mund të përshtaten me rolet që u jep jeta qytetare ose me maskat që mbajnë, cilat janë rezultatet kur nuk munden?

Çmimi 13,01 
More
Në gjendje

Botuesi: Dituria

Valsi i lamtumirës, Milan Kundera

Nga njëra anë gruaja e bukur, xheloze e Klimës, e bindur se të gjitha gratë janë të destinuara të tradhtohen dhe që do ta nuhasë edhe këtë tradhti të re; djaloshi, i dashuri i infermieres, po aq xheloz; një gjinekolog fanatik që kuron gratë shterpa, por është gati të ndihmojë infermieren të dështojë; një pasanik amerikan, Don Zhuan dhe shenjtor; dhe një i...

Çmimi 10,41 
More
Në gjendje

Botuesi: Botimet Dudaj

Rrëfimi, John Grisham

Një njeri i pafajshëm është duke u ekzekutuar. Vetëm fajtori mund ta shpëtojë. Për çdo njeri të pafajshëm të burgosur, ekziston një fajtor i lirë. Ai nuk e kupton se si policët dhe prokurorët kanë kapur njeriun e gabuar dhe, natyrisht, as që i bëhet vonë për këtë. I mjafton t'i gëzohet fatit të tij të mirë.

Çmimi 12,49 
More
Në gjendje

Botuesi: Fan Noli

Një ballkon në pyll, Julien Gracq

Sa vjeçe je ti? – e pyeste ndonjëherë Granzhi duke i lëmuar vetullat me gisht, i befasuar nga bukuria e saj shumë më tepër sesa nga një shakullinë e papritur, duke kapsallitur sytë para një drite tejet të fortë, ndërsa ajo qeshte me atë zë gryke dhe ia prishte flokët me gishtërinjtë e lehtë.

Çmimi 10,41 
More
Në gjendje

Referenca: SKU000603

Botuesi: Skanderbeg Books

Të njohësh një grua, Amos Oz

Agjenti i shërbimeve sekrete izraelite, Joel Ravid, duhet të ndërrojë banim dhe të jetojë në periferi pas daljes së tij në pension. Atij i duhet ta shkojë jetën me të bijën, të ëmën dhe të vjehrrën, pas vdekjes aksidentale të së shoqes.

Çmimi 12,49 
More
Ne gjendje

Botuesi: PA

Hic sunt leones, Katerina Poladjan

Njëqind vjet më vonë Helenes, një restaurueses së re, i ofrohet një bibël për ta restauruar. Helena futet thellë në enigmën e librit të vjetër, në Armeninë moderne dhe në një histori mërgimi, të humbjes dhe të dhimbjes, që përcillet nga brezi në brez.

Çmimi 10,41 
More
Në gjendje

Botuesi: Aleph

Mëngjarashja, Peter Handke

Ajo ishte tridhjetë vjeçe dhe jetonte në një koloni shtëpish tip bungalow të ndërtuar në formë tarracash në shpatin jugor të një malësie qendrore, pikërisht mbi tisin prej mjegulle të një qyteti të madh.

Çmimi 7,29 
More
Në gjendje

Referenca: K3R4

Botuesi: Skanderbeg Books

Bija e errësirës, Elena Ferrante

Ndërsa të bijat nisen për në Kanada për të takuar të atin, e ëma vendos të shkojë të pushojë për disa javë diku në bregdetin e Napolit, ku ka kaluar fëmijërinë e saj. Ne presim që gruan ta pushtojë melankolia dhe dhimbja, siç i ndodh çdo nëne kur i largohen fëmijët. Përkundrazi, ajo ndjehet e çliruar dhe e qetë.

Çmimi 7,29 
More
Artikujt e fundit në gjendje

Botuesi: Pegi

Krijesa të bukura, Kami Garcia, Margaret Peterson

Lina Dukein është ndryshe nga të gjithë njerëzit e qytezës jugore Getlin. Ajo po mundohet t'i mbajë të fshehta fuqitë e saj, si dhe mallkimin që e ka përndjekur familjen e saj për gjenerata me radhë. Por, edhe në lulishtet e egra, moçalet e thella dhe varrezat e rrënuara të një vendi të harruar, një sekret nuk mund të rrijë i fshehur për shumë kohë.

Çmimi 10,41 
More
Ne gjendje

Botuesi: OMBRA GVG

Të paharruarit, Lidia Jorge

Në agimin e datës 25 prill 1974, nën drejtimin e disa kapitenëve të ushtrisë të cilët ishin kundër luftës koloniale të Portugalisë dhe kundër regjimit diktatorial salazarist që mbizotëronte në Portugali prej vitit 1933, pesë mijë ushtarë hynë në Lisbonë, me tanke dhe të armatosur.

Çmimi 10,41 
More
Në gjendje

Referenca: K1R1

Botuesi: OMBRA GVG

Bel Canto, Ann Patchet

Bel Canto ka ardhur për lexuesin si himn pasioni për muzikën dhe jetën, e që përjetohet me madhështi e elegancë nga çdo personazh i vizatuar me mjeshtëri në të gjithë strukturën e librit. Ndjesi të zjarrta, emocione tronditëse dhe boshllëkun që lë dhimbja, përcjell kjo vepër si fragment i simfonisë së jetës.

Çmimi 10,41 
More
Artikujt e fundit në gjendje

Botuesi: Pegi

Vrasësi i verbër, Margaret Atwood

"Vrasësi i verbër" është historia tërheqëse dhe e jashtëzakonshme e motrave Çejs dhe e sekreteve të tyre. Më e vogla, Laura, vdes në rrethana të dyshimta. Pas më se pesëdhjetë vjetësh, Irisi, motra që mbijetoi, kujton vdekjen e saj misterioze. Në historinë e saj gërshetohen kapitujt e romanit të shkruar prej vetë Laurës, roman që skandalizoi botën, por e...

Çmimi 14,57 
More
Në gjendje
Përshtypjet (0)