Banner
Anjeza Brauni është një grua e fortë – mjaft e fortë për t'u përballur me vejërinë, shtatë fëmijët, apartamentin me qira dhe rraskapitjen e përditshme me tezgën e saj në rrugën "Moore". Por edhe gruas më të fortë i lipset pak ndihmë dhe një ëndërr për t'i dhënë forcë të vazhdojë...
Titulli: Mami
Origjinali: Mother
Gjinia: Roman
Autori: Brendan O'Carroll
Shqipëroi: Artan Miraka
Shtëpia botuese: Botart
Viti: 2015
Fq. 172
Pesha: 0.201 kg.
Anjeza Brauni është një grua e fortë – mjaft e fortë për t'u përballur me vejërinë, shtatë fëmijët, apartamentin me qira dhe rraskapitjen e përditshme me tezgën e saj në rrugën "Moore". Por edhe gruas më të fortë i lipset pak ndihmë dhe një ëndërr për t'i dhënë forcë të vazhdojë...
Kur lindi ky libër isha ulur në një prej hoteleve "Hilton", në Orlando të Floridës. Ishte viti 1994 dhe Republika e Irlandës qe kualifikuar për në finalet e Kupës Botërore të Futbollit.
Atëherë sapo kisha nisur të vija emër si humorist në Irlandë dhe Tim O'Connor-i, kreu i programit sportiv të RTE-së (Televizioni Publik Irlandez) më kishte punësuar që të shoqëroja skuadrën në aventurën e saj e të bëja copëza humori për publikun që na ndiqte nëpërmjet ekranit në atdhe.
Domethënë, puna ime ishte që një herë në dy ditë të shkruaja një pjesëz treminutëshe. Të gjithë ata që më njohin e dinë mirë se sa të lajthitur më bën mua një punëz e tillë. Ndaj, meqë kisha kohë me bollëk, bleva një bllok e një stilolaps të ligjshëm dhe mendova të shkruaj.
Po çfarë të shkruaja?
Para disa muajsh, aktori i magjishëm Gabriel Byrne më kishte dhënë një libër të Syd Field, të titulluar "Skenari". Ai është një libër i mrekullueshëm që duhet ta lexojë çdo shkrimtar që aspiron të bëhet skenarist. Aty skenaristit i sugjerohet që të kompozojë një "histori prapaskene" për personazhin kryesor të filmit të tij. Rreth njëzet faqe që përshkruajnë jetën e tij para se të takohet me ne.
Skenaristi mund të mos e përdorë kurrë, por ajo i hyn goxha në punë kur personazhi has pengesa gjatë filmit – duke e ditur historinë e tij të prapaskenës, ajo i jep idenë se si t'i kapërcejë. Pra, ja se ç'vendosa të shkruaja! Por nuk bëhej fjalë për film.
Atëkohë kisha në duar një serial komik pesëminutësh të titulluar "Djemtë e zonjës Brauni", që shfaqej nga e hëna deri të premten në shfaqjen e Gareth O'Callaghan-it. "Ç'ushtrim i përkryer! – mendova. – Një histori prapaskene njëzetfaqëshe për zonjën Brauni."
Kështu e nisa. Pak a shumë. Se s'po vendosja dot se ku ta filloja historinë. Nuk doja t'i hyja fëmijërisë së saj, sepse për këtë do të më lipseshin kërkime në "kohë". Ndaj vendosa ta filloja ditën kur ajo u bë vejushë. Hapa bllokun dhe nisa të shkruaja. Prisja që ato njëzet faqe të më hanin jo më shumë se një orë.
Mirëpo edhe pas dy javësh vazhdoja të shkruaja. Njëzeta u bë tridhjetë, dyzet dhe vazhdoi më tej. Në kohën që e lashë punën, kisha shtjelluar vetëm nëntë muajt e parë të vejërisë së saj. E mbylla bllokun i kënaqur dhe nuk e vrava më mendjen për të.
Më vonë, gjatë kthimit, ndërsa flisja në telefon me menaxherin tim të atëhershëm, Pat Egan, i përmenda shkrimin. Pati më telefonoi pas tri ditësh dhe më tha se kishte folur me Michael O'Brien, botuesin e "The O'Brien Press" dhe se ata e donin "librin". "Po ai s'e ka lexuar ende?!" – e kundërshtova pak me frikë se mos e dreqosja. Pati ma ktheu: "Ai nuk do t'ia dijë po qe se bëhet fjalë për zonjën Brauni. Ai e do."
"Mami" u hodh në qarkullim vetëm disa muaj më vonë dhe që javën e parë zuri vendin e parë në listën e librave më të shitur. Seriali radiofonik pesëminutësh shpuri te ky libër, i cili shpuri te tre libra të tjerë, të cilët më bënë të shkruaj një skenar filmi – Anjeza Braunin të luajtur nga Angelica Huston.
Paskëtaj shkrova pesë komedi, fituese çmimesh, në të cilat e luajta vetë zonjën Brauni. Ato u pasuan nga shtatë filma në DVD, të cilët u shitën gjithashtu në mbi një milion kopje, dhe tani një serial televiziv, "Djemtë e zonjës Brauni", që ka thyer rekordet e publikut si në BBC 1 edhe në RTE, e ku në trupën e aktorëve përfshihen ime shoqe, vajza, djali, motra, kunata, dhëndri dhe, s'do mend, UNË! Dikush më pyeti njëditëzaj: "Si po të shkojnë punët?" Iu përgjigja me sinqeritet: "Më mirë do të më vinte turp!"
Blloku i ligjshëm më kushtoi një dollar, stilolapsi vetëm pesëdhjetë cent. Ai një dollar e gjysmë investim ka ushqyer, shkolluar e strehuar fëmijët e mi dhe nipërit për këto shtatëmbëdhjetë vitet e fundit. Uroj që leximi i këtij libri t'ju dëfrejë po aq sa më dëfreu edhe mua kur e shkrova. Dhe, meqë e bletë... faleminderit prej gruas sime, faleminderit prej familjes sime dhe faleminderit prej meje!
Brendan O'Carroll është një nga dëfryesit më të suksesshëm irlandezë; një autor i brohoritur, aktor, udhëheqës artistik, skenarist dhe dramaturg. Gjatë karrierës së tij e ka kthyer "Prekjen e Midas" së vet në një gamë të gjerë projektesh: nga shfaqja e tij e famshme radiofonike "Djemtë e zonjës Brauni" në novelat bestseller "Mami", "Skalitësit" dhe "Gjyshja". "Mami" është kthyer gjithashtu në një film mjaft të suksesshëm, ku Anjeza Brauni luhet nga aktorja e famshme Anjelica Huston.
Udhëzues i shkurtër mbi procesin e porositjes së librave nëpërmjet faqes tonë.
Shkarkime (292.13KB)
Botuesi: Pegi
Shalli andaluzian" ngjason me disa përralla baroke, që farfuritin pasuritë më të begata dhe më luksoze të fantazisë stolitëse dhe pastaj i përfshijnë me zhdërvjelltësi në një zbavitje të këndshme muzikore.
Botuesi: Pegi
Historia, e cila përmban elemente të romancës, misterit dhe romanit gotik, sfidon kategorizimin e lehtë: ajo është një rrëfim mbi sekretet dhe tradhtinë, është historia e ekuilibrit të pushtetit midis meshkujve e femrave dhe, natyrisht, siç e ka cilësuar vetë autorja, është një studim mbi xhelozinë, kësaj nepërka që jeton në skutat më të errëta të...
Referenca: SKU000658
Botuesi: OMSCA-1
Një nga kënaqësitë e shumta që të fal ky roman, është mundësia për të hyrë në një botë private e të koduar në mënyrë të çuditshme me ligjet e saj... Përshkrimi i kësaj bote është kaq tërheqës, i fuqishëm dhe i detajuar, sa nuk mund të shkëputesh as për një minutë të vetme nga ky libër i mrekullueshëm.
Botuesi: Dituria
Djaloshi rritet, merr mësime në Konservatorin e Parisit, zbulon dashurinë, duket se është gati t’i gëzohet jetës e të harrojë tmerret e së shkuarës.
Referenca: SKU001904
Botuesi: Dituria
Romani "Spastrimi" i Sofi Oksanen, fitues i shumë çmimeve letrare, është një rrëfenjë jashtëzakonisht tërheqëse për dy gra, te të cilat është ngulitur thellë e shkuara e tyre dhe historia e patreguar dhe e errët e jetës së tyre.
Botuesi: OMBRA GVG
Fuqia e vërtetë e Laurence qëndron në aftësinë për të ringjallur me përpikmëri atë emocion kaq të njohur, tmerrin e jetimes, guximin e krisur të adoleshentes, zemërimin dhe urrejtjen për veten, dobësinë e të moshuarve, brishtësinë e të mposhturve. "Falltarët" është një tjetër vepër, pjesë e veprave klasike të rrënjosura thellë në traditën më të mirë të...
Referenca: K3R4
Botuesi: Skanderbeg Books
Ndërsa të bijat nisen për në Kanada për të takuar të atin, e ëma vendos të shkojë të pushojë për disa javë diku në bregdetin e Napolit, ku ka kaluar fëmijërinë e saj. Ne presim që gruan ta pushtojë melankolia dhe dhimbja, siç i ndodh çdo nëne kur i largohen fëmijët. Përkundrazi, ajo ndjehet e çliruar dhe e qetë.
Referenca: 2550
Botuesi: Toena
Lala e vogël është pasardhëse e "burrave blu", luftëtarëve të Shkretëtirës së Saharasë. Pas vdekjes së nënës, ajo shkon të jetojë te halla e saj në një lagje të varfër të qytetit, por Lala nuk mund t'i harrojë ata.
Botuesi: Bota Shqiptare
Por, pasi u rritën bashkë në një komunitet jugor me ngjyrë dhe u arratisën prej andej në moshën gjashtëmbëdhjetëvjeçare, nuk ndryshoi vetëm jeta e tyre si të rritura, por gjithçka: familjet, bashkësitë, identitetet racore.
Botuesi: Living
A do të mundet Leoja t’i shpëtojë familjarët nga rrënimi i pashmangshëm? Tani, të gjithë do të përballen me mëritë e vjetra, me të vërtetat e reja dhe gjithashtu, më në fund do të pranojnë zgjedhjet që kanë bërë në jetë.
Botuesi: Dituria
Menjëherë pas fitores, Lindberghu negocion për një “mirëkuptim” të përzemërt me Adolf Hitlerin, ndërsa qeveria e re fillon një program të antisemitizmit njerëzor. Nga ky çast e tutje, Shtetet e Bashkuara ndalojnë së mbështeturi britanikët dhe francezët dhe, prapa neutralitetit në dukje, hyjnë në marrëveshje me Gjermaninë e Hitlerit.
Botuesi: Pika pa Siperfaqe
"Edukimi i stoikut" është e vetmja vepër që na ka mbërritur nga baroni i Teives, më "i rrezikshmi" nga heteronimet e Pessoa – s, të cilin vetë Pessoa nuk do ta përmendë e as do ta përdorë më gjëkundi në veprat e tjera të njohura.
Botuesi: Toena
Përmes letrash, ditarësh, mesazhesh, e-mailesh, poezish dhe fjalorësh, krijohet një mozaik kujtimesh e rrëfimesh, që përbëjnë një homazh ndaj një bote thuajse të zhdukur, dhe njëherësh një këngë për vazhdi-mësinë e jetës.
Botuesi: Toena
Ana, Hana dhe Ani janë tre personazhet qendrore të këtij romani, të cilat, mjeshtëria e autorit, i lidh me një fije fati të përbashkët në kërkim të shtegut për t'i shpëtuar vetë imazhit që u ofron pasqyra e epokës në të cilën jetojnë.
Botuesi: Aleph
Obaba banohet nga njerëz të thjeshtë, por edhe intelektualë, nga barinj dhe nxënës çapkëne shkolle, ndërsa të gjithë, që nga një shur për nxënë e deri tek një xhuxh i kulturuar, por i urryer, që enden nëpër faqet e këtij libri të çuditshmë.
Botuesi: Dituria
Historia në roman është treguar nga pesë kënde të ndryshme: pesë personazhe, me historitë e jetës që të bëjnë për vete dhe që janë të lidhura me Serda Kapurovën.
Botuesi: Toena
Në 1999 revista "Le monde" e ka cilësuar si një ndër librat më të mirë të shekullit. Ngjarjet e romanit zhvillohen gjatë një periudhe 22 ditore, në Shangai, Kinë. Personazhet qendrore janë Çeni, Kio, Gisori, Katu dhe baroni Klapik. Fatet e tyre ndërthuren me njëri-tjetrin. Ky është një roman ekzistencial e fatalist.
Anjeza Brauni është një grua e fortë – mjaft e fortë për t'u përballur me vejërinë, shtatë fëmijët, apartamentin me qira dhe rraskapitjen e përditshme me tezgën e saj në rrugën "Moore". Por edhe gruas më të fortë i lipset pak ndihmë dhe një ëndërr për t'i dhënë forcë të vazhdojë...
