Titulli: Vajzat e rritura nuk qajnë
Origjinali: Big girls don't cry
Gjinia: Roman
Autori: Fay Weldon
Shqipëroi: Ilir I. Baçi
Shtëpia botuese: Pegi
Viti: 2014
Fq. 346
Pesha: 0.385 kg.
ISBN: 978-9928-175-22-9
Mbi librin
Në një mbrëmje të butë të vitit 1971, pesë gra mblidhen në një dhomë ndenjeje të vogël në rrethinat e Londrës. Të lodhura nga burrat dhe të pakënaqura nga jeta e tyre, ato krijojnë Meduzën, një shtëpi botuese e bazuar mbi parimin e hakmarrjes. Me një humor të mençur dhe ironik, autorja na shoqëron përmes vijimit njëzetvjeçar të jetës së këtyre grave, teksa qëllimet e mira lihen mënjanë, pre e politikës, seksit dhe tradhtive.
Fragment nga libri
E gjithë bota i kishte zili. Herë i tallnin, herë i adhuronin, herë nuk i shihnin dot me sy e herë u vinte keq për to, për këto gra të pazakonta, për Lajlën, Stefaninë, Alisën, Nensin me shoqe, për këtë grup grash të pavarura, plot dëshirë për jetë, seks dhe përjetime, të cilat në dhjetëvjeçarin e fundit të shekullit e kthyen botën përmbys, e bënë lëmsh e li. Të pazonja për të ndryshuar veten, iu kthyen shoqërisë dhe vendosën ta ndryshojnë, për mirë a për keq.
Komente mbi librin
"Në debatet tona të apasionuara dhe shpesh të hallakatura mbi trashëgiminë, por edhe mbijetesën e feminizmit, Weldon – it i duhet zënë besë për një cilësi të rrallë: në duart e saj, asgjë, vërtet asgjë, nuk është e shenjtë."
The New York Times
"Një roman i admirueshëm dhe krejtësisht bindës, i gjallë, i zgjuar. E palëkundur, autorja nuk pranon për asnjë çast të tregojë nëse po bën shaka apo jo."
The Times Literary Supplement
"Përtej stereotipeve të gruas së mirë dhe burrit të keq, Weldon – i arrin të krijojë një familje të trilluar që është thellësisht reale, e pisët dhe guximtare."
The Washington Times
"Krahasimet e zgjuara të Weldon – it midis zakoneve të së djeshmes dhe atyre të të sotmes e lezetojnë këtë tharm feminist që vlon përbrenda, duke paraqitur një studim të mprehtë, zbavitës dhe fort të vërtetë të çmimit dhe pasojave të një jete idealiste."
Kirkus Review
Mbi autoren
Fay Weldon, lindur në Angli dhe rritur në Zelandën e Re, ka studiuar ekonomi dhe psikologji në St. Andreës University në Skoci, universitet nga i cili ka marrë edhe një doktoraturë nderi. Ajo është autorja e më shumë se njëzet romaneve, pesë përmbledhjeve me tregime, disa librave për fëmijë, shumë artikujve dhe skenarëve.
