Titulli: Spastrimi
Origjinali: Puhdistus
Gjinia: Roman
Autori: Sofi Oksanen
Shqipëroi: Rogreta Shani
Shtëpia botuese: Dituria
Viti: 2011
Fq. 336
Pesha: 0.43 kg
ISBN: 978-9928-103-24-6
Mbi autoren
Sofi Oksanen (7 janar 1977) është shkrimtare finlandeze dhe jeton në Helsinki. Talenti i saj spikati që me botimin e romanit të parë "Stalin's Cows", më 2003, që e renditi ndër shkrimtaret më të talentuara në të gjithë vendin.
Romani i dytë "Baby Jane", i botuar më 2005, rezultoi po aq i sukesshëm. Romani "Spastrimi", botuar fillimisht si dramë më 2007, ishte frymëzues për Oksanen për të botuar një vit më vonë romanin e tretë me të njëjtin titull. I botuar në 28 gjuhë të botës, "Spastrimi" është romani i parë që ka fituar dy çmimet letrare më prestigjioze në Finlandë.
Mbi librin
Romani "Spastrimi" i Sofi Oksanen, fitues i shumë çmimeve letrare, është një rrëfenjë jashtëzakonisht tërheqëse për dy gra, te të cilat është ngulitur thellë e shkuara e tyre dhe historia e patreguar dhe e errët e jetës së tyre.
Kur Alida Tru, një grua e moshuar që jeton e vetme në një fshat të Estonisë, gjen në oborrin e saj një vajzë në gjendje të mjerueshme, mposht çdo dyshim dhe i hap derën e shtëpisë. Zara, një vajzë ruse, viktimë e trafikimit, ka arritur t'ia mbathë nga tutorët e saj. Fotoja që mban me vete do të hedhë dritë shumë shpejt mbi faktin se ajo nuk u gjend rastësisht në shtëpinë e Alidës. Zara dhe Alida jan të mbushura me dyshime dhe dëshirë për të zbuluar të vertetën që fshihet pas veprimve të secilës prej tyre.
Me këtë roman të jashtëzakonshëm që të mban të mbërthyer deri në faqen e fundit, Sofi Oksanen cilësohet si një ndër zërat dhe figurat më të rëndësishme të brezit të saj. "Spastrimi" është një roman jashtëzakonisht tërheqës, që godet ashpër çdo sjellje të turpshme në një kohë dhe vend ku, për të mbijetuar, do të thotë t'ua punosh të tjerëve pas krahëve.
Komente mbi librin
"Një roman me përmbajtje groteske dhe origjinale, ku njerëzit asfiksohen në dhoma të mbyllura, kufomat fshihen poshtë dërrasave të dyshemesë dhe motrat ndiejnë xhelozi për njëra - tjetrën, edhe pse në qendër të romanit është tema e familjes. Oksanen prek edhe dilema të mëdha, si intrigat dhe dhuna seksuale, si në luftë edhe në paqe. Nëpërmjet këtij romani, kjo shkrimtare e re filandezo - estoneze i akuzon hapur brezat e mëparshëm si fajtorë."
The Guardian
"Një kombinim i spikatur mes historisë, politikës dhe suspansës." Sunday Times "Një roman i pamëshirshëm, tërheqës, plot ngjyrime dhe suspansë, që mbart një mori sekretesh të pathëna dhe veprimesh të turpshme që vërtiten në libër dhe e nxisin lexuesin ta shfletojë atë me një frymë. Spastrimi ka një stil të gjallë, të saktë dhe të bukur."
Hufvudstadsbladet, Finlandë
"Spastrimi është një përmbledhje e shkurtër e një kapitulli të harruar të historisë së Europës Lindore. Sofi Oksanen është një shkrimtare e talentuar, që i kushton vëmendje të veçantë një gjendjeje jo fort të kthjellët mendore dhe zhgënjimit nga dashuria. Finlanda duhet të krenohet me të."
Jyllands - Posten, Danimarkë
