Titulli: I ngërthyer nga ti
Origjinali: Captivated by you
Gjinia: Roman
Autori: Sylvia Day
Shqipëroi: Meril Orti
Shtëpia botuese: Omsca – 1
Viti: 2015
Fq. 428
Pesha: 0.503 kg.
ISBN: 978-9928-132-60-4
Fragment nga libri
Gidioni më quan engjëllin e tij, por ai vetë është mrekullia e jetës sime. Luftëtari im i bukur, i plagosur, tejet i vendosur për të shkatërruar djajtë e jetës sime, ndërkohë që nuk pranon të përballet me të vetët.
Betimet që shkëmbyem me njëri-tjetrin duhej të na kishin lidhur më fort nga ç'të lidh mishi e gjaku. Përkundrazi, ato thjesht hapën plagët e vjetra, shpërfaqën dhimbjet e pasiguritë dhe nxorën armiqtë e përbetuar nga hijet ku ishin fshehur.
Unë ndieja se si më rrëshqiste ai nga duart që e kishin shtrënguar fort, se si frikat e mia më të mëdha bëheshin realitet, se si përballej dashuria ime me sprova, për të cilat nuk isha e sigurt se kisha forcën e mjaftueshme që t'i përballoja.
Në kohën më të ndritshme të jetës sonë, errësira e së shkuarës së tij ndërhyri mes nesh dhe kërcënoi gjithçka për të cilin kishim punuar aq fort. Gjendeshim përballë një zgjedhjeje të tmerrshme: siguria e njohur e jetëve që kishim jetuar përpara se të njiheshim me njëri-tjetrin, apo lufta për të ardhmen, që befas dukej si një ëndërr e pamundur dhe e pashpresë...
Mbi autoren
Sylvia Day është autorja numër 1 më e shitur sipas "New York Times-it" dhe në arenën ndërkombëtare. Më shumë se njëzet novela të sajat kanë fituar çmime e janë shitur në më shumë se 49 vende të botës. Ajo është renditur e para ndër autorët më të shitur në 27 vende, ku dritën e botimit e kanë parë me dhjetëra miliona kopje të librave të saj. Seria "Crossfire" do të ekranizohet nga Lionsgate.
