Titulli: Shtegtimi i miteve, nga religjioni e folklori në letërsi
Origjinali: Shtegtimi i miteve, nga religjioni e folklori në letërsi
Gjinia: Kritika letrare
Autori: Ermira Ymeraj
Shtëpia botuese: Naimi
Viti: 2013
Fq. 224
Pesha: 0.269 kg
ISBN: 978-9928-109-52-1
Koment nga Emin Kabashi
Libri studimor i Ermira Ymerajt, "Shtegtimi i miteve, nga religjioni e folklori në letërsi", thuajse është një temë e veçantë në planin e shqyrtimit të kësaj materie, sa të lashtë për përvojën njerëzore, aq edhe të re për fushën studimore albanologjike.
Studiues të ndryshëm shqiptarë të fushës së albanologjisë, por edhe të huaj, kanë dhënë ndihmesa me vlerë në disa plane të këtyre shqyrtimeve që ka marrë për temë studiuesja e re, por këtu janë trajtuara dy rrafshet themelore të ekzistencës së mitit në përvojën jetësore të njeriut, janë trajtuar në folklor dhe në letërsi.
Në studimin e saj, Ermira Ymeraj ka përfshirë edhe një Antologji me këngë të ringjalljes, sa duket për ta dëshmuar jo vetëm praninë e trajtimit teorik të tyre, por edhe ekzistencën e tyre të mirëfilltë artistike. Qoftë edhe me përfshirjen e kësaj antologjie në studimin e saj, autorja mund të thuhet ka përmbyllur kërkimin për këtë temë.
Nëse shihen me kujdes burimet e informacionit, referencat që ka përdorur gjatë trajtimit të materies në studimin e saj, literatura e shfrytëzuar mund të thuhet se studiuesja ia ka dalë me sukses të plotë shqyrtimit shkencor të një problemi shumë të diskutueshëm në kulturën tonë dhe në arritjet tona shkencore, siç është prania e mitit në folklor dhe në letërsi.
