Titulli: Ëndërr
Origjinali: Traumnovelle
Gjinia: Roman
Autori: Arthur Schnitzler
Shqipëroi: Afrim Koçi
Shtëpia botuese: Pegi
Viti: 2015
Fq. 136
Pesha: 0.145 kg.
ISBN: 978-9928-175-64-9
Mbi librin
Një eksplorim surreal i përmasave intime të martesës. Kurioziteti i sinqertë i Fridolinit për seksualitetin e bashkëshortes nuk i kundërvihet dot xhelozisë dhe narcizizmit të tij të lënduar. Schnitzler – i pyet veten sesi dy njerëz të zgjuar, tërheqës dhe të ndjeshëm mund të ndajnë një shtrat, një fëmijë dhe një jetë për vite me radhë, kur dëshirat e zjarrta erotike, të drejtuara gjetkë, janë të pashmangshme.
Duket se përgjigja qëndron te gënjeshtra, në një balancë sekretesh midis dy të huajsh. Vullneti i tyre për të hetuar fantazitë e kaluara dhe të tashme të njëri – tjetrit e bën martesën e tyre të pazakontë. Nëse ky origjinalitet e afron apo jo shkatërrimin e çiftit, kjo mbetet për t'u zbuluar.
Novela "Ëndërr" ka frymëzuar regjisorin e njohur Stenley Kubrick për realizimin e "Eyes wide shut" me aktorët Nicole Kidman dhe Tom Cruise.
Komente mbi librin
"Romani "Ëndërr" i Arthur Schnitzler – it është teoria e Frojdit e shndërruar në mish e kocka. Ajo tregon se kur seksi, ëndrrat dhe turpi mblidhen së bashku mund të zbulohen shumë e shumë gjëra për kafshën njeri."
The Guardian
"Përditshmëria në të cilën gjejnë strehë personazhet e Schnitzler – it shpërfaqet si një lustër që mbulon problemet e pazgjidhura dhe shqetësuese që ngjyrosin këtë portret të shpirtit binjak."
Publishers Weekly
"Rrëfimet e tij më të mira u shkruan në vitet '20, duke përfshirë këtu edhe "Ëndërr", konfliktin shpirtëror bashkëkohor që frymëzoi filmin "Eyes wide shut"."
The New Yorker
Mbi autorin
Arthur Schnitzler (1862 – 1931), shkrimtar, dramaturg dhe mjek austriak me origjinë hebraike. Nën ndikimin e Frojdit, mikut të tij, ai qe ndër të parët që përdori "monologun e brendshëm" për të përshkruar fillin e mendimeve të personazheve të veta, duke u thelluar në hetime të holla psikologjike. Veprat e tij shpesh janë kontroversiale, sidomos për përshkrimin pa doreza të seksualitetit dhe ndikimin e tij mbi përditshmërinë tonë.
