Titulli:Peshën e padurueshme e pafajësisë
Original:Peshën e padurueshme e pafajësisë
Kategoria: Roman
Autori: Primo Shllaku
Botues: Onufri
Viti: 2023
Fq. 304
Pesha: 0.500 kg
ISBN: 978-9928-391-70-4
Ky libër është në gjuhën shqipe
Pjesë librin
Atëherë Zefi i tha se prifti e kishte ndigjue me vëmendje dhe në nji shenj kohe, teksa hante me kafshata të vogla, i kishte thanë:
- Manoli nuk asht djalë i keq.
- Si? - i ishte përgjigjë Zefi me idhnim.
- Unë e shof, - i kishte thanë prifti me njifarë kthjelltësie, - se ti nuk ke gja me Manolin. Ti ke problem, ti nuk duroke pafajësinë tande, djalosh...
Zefi ishte mpi nga hutimi se nuk po gjente pështetje te prifti, të cilit po i hapej lidhë me jetën e tij në tavernën e kushërinit të tij të parë.
- E çfarë të baj, pra...? - e kishte pyetë Zefi me dëshpërim.
Prifti e kishte shikue thellë në sy Zefin dhe me sa duket, kishte pa atje dëshirën e tij të thekshme për nji zgjidhje. Prifti kishte pa përqark dhe me gisht i kishte thanë Zefit të afrohej. Zefi ishte ulë në karrikë dhe e kishte shtri veshin drejt priftit. Edhe prifti i ishte afrue paksa djaloshit.
- Vidhe, vidhe!
Zefi nuk u kishte besue veshëve.
- Si thatë, atë i shenjtë? - kishte shqiptue me çudi të thellë Zefi.
