Titulli: Shërbëtori i "zotërisë" së pabesë
Origjinali: Shërbëtori i "zotërisë" së pabesë
Gjinia: Roman
Autori: Teuta Dhimarko Kasoruho
Shtëpia botuese: Toena
Viti: 2014
Fq. 136
Pesha: 0.221 kg.
ISBN: 978-99943-1-982-4
Fragment nga libri
...Nga pylli vinte pa pushim era e lagësht e shiut ngatërruar me aromën e kërpudhave të sapoçelura. Era e barit i kujtoi frikërat e fëmijërisë që aso kohe nuk ua dinte kuptimin. Shtëpia tutje rrugës kish mbetur e shkretë. Dukej sikur e dinte që më parë se ai do të vinte dhe diç donte t'i thoshte, por s'kishte më as fjalë, as gojë.
Pamja e saj i futi trishtimin. Gjithçka ishte fikur në të. Edhe dhimbja nuk dhembte më! Atë çast pa dashje, mendoi për kotësinë. Kotësinë e fëmijërisë kaluar në varfëri! Kotësinë e të qenët i nginjur!... E kishte ndarë mendjen të kërkonte në margjirjo dhe aty e gjeti vërtet kamaren me florinj. I kish fshehur Xhikja në murin ku varte magjen. Atje ku gatuante bukën.
Nga fshati iku me të perënduar që të mos haste njeri të njohur udhës. Por s'ecte dot në errësirë ashtu i ngarkuar. Vendosi të ndalej në kasollen e pyllit. Të merrte një sy gjumë e pastaj në të gdhirë të nisej prapë për udhë. Atje në minder... iu shfaq Vangjeli!
Mendja i thoshte se s'kish frikë nga fantazmat, por pamja e tij e trembi. Vangjeli kishte si gjithnjë atë çehren e sertë dhe nuk fliste. Kur bëri të çohej që ta shihte më mirë, atëherë ai i foli: "Po kërkon pasurinë? E? Edhe ti si unë!"..
