Titulli: Djali që përvidhej nga dritarja dhe më hynte në shtrat
Origjinali: The Boy Who Sneaks In My Bedroom Window
Gjinia: Roman
Autori: Kirsty Moseley
Shqipëroi: Irena Dono
Shtëpia botuese: Bota Shqiptare
Viti: 2015
Fq. 392
Pesha: 0.479 kg.
ISBN: 978-9928-00-122-1
Mbi librin
Amber Uokeri dhe vëllai i saj pak më i madh në moshë, Xhejku, kanë një baba të dhunshëm. Një natë Liami, shoku i ngushtë i Xhejkut, i cili banon përballë tyre, e sheh Amberin duke qarë në dhomën e vet dhe hyn nga dritarja për ta qetësuar. Pas asaj nate, raporti midis Amberit dhe Liamit ndryshon.
Ngadalë – ngadalë pafajësia dhe miqësia ia lenë vendin pritjes, keqkuptimeve dhe vrundujve. Liami kalon sa nga një vajzë te tjetra, ndërsa Amberi, ende e vrarë emocionalisht nga abuzimet e pësuara prej të atit, preferon të përqendrohet te mësimet, vallëzimi dhe shoqëria.
Por pasioni midis tyre rritet me vrull dhe raporti i tyre i bazuar më parë vetëm te miqësia ndryshon, ndizen shkëndijat e dashurisë dhe Amberi fillon ta shohë shokun e saj në një tjetër mënyrë. Po si do të reagojë Xhejku, i cili ka qenë gjithnjë supermbrojtës ndaj saj, kur të zbulojë se marrëdhëniet mes tyre po marrin tjetër udhë?
Ky libër, i cili ka bërë për vete miliona lexues dhe ka pasur një sukses të jashtëzakonshëm në Shtetet e Bashkuara, mbërriti më në fund edhe në Shqipëri.
Komente mbi librin
“Më është bërë e dashur çdo minutë e kësaj historie! Një djalë me një zemër delikate dhe një heroinë më në fund me shtyllë kurrizore!”
Penelope Douglas, autore e librit “Kurrë për dashurinë”, bestseller i New Jork Times dhe USA Today
“Shumë i mirë! Mos i hiqni nga dora shamitë!”
Rachel
“Shumë i bukur dhe emocionues, një magji kur e lexon.”
Nicole
Mbi autoren
Kirsty Moseley ka qenë gjithkaherit një lexuese e pasionuar. Qysh fëmijë i kalonte netët duke i përpirë librat, edhe pse të nesërmen në shkollë ishte e rraskapitur dhe i duhej të mbante qepallat hapur. Romani i saj debutues “Djali që përvidhej nga dritarja dhe më hynte në shtrat” është zgjedhur nga Goodreads si një nga librat më të mirë të vitit. Jeton në Norfolk, Angli, me të shoqin dhe të birin. Për të mësuar më shumë rreth saj, shihni www.kirstymoseley.com.
