Easy, Tammara Webber

Titulli:Easy
Original:Easy
Kategoria:Roman
Autori:Tammara Webber
Përktheu:Aida Musai
Botues: Pegi
Viti: 2023
Fq. 382
Pesha: 0.380 kg
ISBN:978-99928-162-63-2
Ky libër është në gjuhën shqipe


Mbi librin

Kur Zhaklina e ndjek të dashurin e saj të hershëm të shkollës së mesme në  universitetin e zgjedhur prej tij, gjëja e fundit që ajo pret, është që ata të ndahen në muajin e dytë të vitit të dytë. Pas dy javësh të hutuara, ajo zgjohet në realitetin e saj të ri: është beqare, duke ndjekur një universitet shtetëror në vend të një konservatori muzike, e injoruar nga grupi i shokëve të mëparshëm dhe, për herë të parë në jetën e saj, po ngelte në një lëndë. Duke u larguar e vetme nga një festë, Zhaklina sulmohet nga një shok vëllazërie i ish-it të saj.

E shpëtuar nga një i huaj që duket se gjendet në vendin e duhur e në çastin e duhur, ajo s'do gjë tjetër veçse ta harrojë atë sulm dhe atë natë, por, Lukasi, shpëtimtari i saj, është në të njëjtën klasë ekonomie me të. Ai skicon në një bllok dhe ia ngul sytë vazhdimisht. Shoqet e saj mendojnë se ai është kandidati i përkryer për ta bërë Zhaklinën të harrojë ish të dashurin e saj. Ndërkohë, sulmuesi i saj vazhdon ta përndjekë dhe Zhaklinës do t'i duhet shumë kurajë dhe vetëbesim për të ngritur ballin
dhe zërin kundrejt një padrejtësie që i bëhet prej mijëra vitesh shumë grave nëpër botë.

"Easy. Dashuria nuk është gjithmonë e lehtë..." është një roman romantik për të rinj dhe trajton një temë të ndjeshme e bashkëkohore, atë të dhunës kundër grave.