Hakmarrja vishet me Prada, Lauren Weisberger

Titulli: Hakmarrja vishet me Prada, Rikthimi i djallit
Origjinali: Revenge Wears Prada
Gjinia: Roman
Autori: Lauren Weisberger
Shqipëroi: Edlira Keta
Shtëpia botuese: Dudaj
Viti: 2015
Fq. 404
Pesha: 0.501 kg.
ISBN: 978-99943-0-363-2

Mbi librin

Këtu vazhdon historia e librit shumë të përfolur "Djalli vishet me Prada". Miranda Prestli kthehet sërish. Ka kaluar një dekadë që kur Endi Saksi braktisi punën për të cilën "një milion vajza do të vrisnin për ta pasur" punën me Miranda Prestlin te revista Runway – një ëndërr që u shndërrua në makth.

Endi dhe Emilia, asistentja tjetër, kanë bashkuar forcat dhe kanë themeluar një revistë nusesh, e cila shënon sukses dhe josh shumë të reja. Endi shkruan dhe kujdeset për brendinë. Emilia merret me festat dhe reklamimin si një gjë që di ta bëjë fort mirë.

Ndërkohë Endi ka takuar dashurinë e jetës së saj, Maks Harrisonin, pasardhës i një familjeje të njohur në botën e medies: me besim në vete, i suksesshëm dhe tejet i pashëm. Dasma e tyre mbulon të gjitha faqet e medieve sociale, ndërsa miqtë dhe familja bashkohen për të festuar me çiftin e shkëlqyer. Endi është në qiell të shtatë, por karma është një gjë e poshtër.

Mëngjesin e dasmës, Endit i rikthehet e shkuara, ndërsa zbulon një letër sekrete me të dhëna kompromentuese... dhe gjithçka kthehet në makth. Ajo kupton se asgjë – as burri i saj apo karriera e shtrenjtë – nuk është ashtu siç duket. Nuk do t'i kishte shkuar kurrë nëpër mend se rruga e saj do të kryqëzohej sërish me atë të "Djallit", dora vetë.

Mbi autoren

Lauren Weisberger është shkrimtarja bestseller e gazetës "New York Times" për librin "Djalli vishet me 'Prada'", që u botua në dyzet gjuhë dhe u përshtat në një film të suksesshëm ku luanin Meryl Streep dhe Anne Hathaway. Po ashtu, edhe tre romanet e tjera të Weisberger ishin të gjithë bestseller. E diplomuar në Universitetin e Kornellit, autorja jeton në Nju-Jork me bashkëshortin dhe dy fëmijët.