Titulli: Ai që nuk dinte të dashuronte
Origjinali: The Carpetbaggers
Gjinia: Roman
Autori: Harold Robbins
Shqipëroi: Amik Kasoruho
Shtëpia botuese: Dudaj
Viti: 2011
Fq. 740
Pesha: 0.718 kg.
ISBN: 978-99943-0-241-3
Mbi librin
"Ai që nuk dinte të dashuronte" është frymëzuar nga jeta e multimilionerit Howard Hughes. Xhonas Kordi, një cinik me shpirt të trazuar, që trashëgon një perandori financiare, kërkon dashurinë e vërtetë. Tri janë gratë e fatit të tij: Rina, një vejushë marramendëse; Xheni, një aktore e rastësishme, që ishte e paracaktuar për filma jetëpakë, si dhe Monika.
Nuk është vetëm historia private e një magnati gjenial dhe të guximshëm, por edhe portreti i një shoqërie mitike që vërtitet mes sipërmarrjesh të mëdha dhe nganjëherë të pista dhe mes gjallërisë tërë ngjyra të studiove kinematografike, ndërkohë që në horizont po shfaqej mjegulla e Perëndimit dhe Lufta e Dytë Botërore.
Mbi autorin
Harold Robbins lindi në vitin 1916 në Nju - Jork. I nxitur nga dëshira për ta përballuar vetë jetën, u shpërngul në Hollywood, ku punoi si korrier në "Universal Pictures". Në moshën tridhjetedyvjeçare, ai e provokoi dhe e tronditi mentalitetin amerikan me romanin e parë "Mos dashuro kurrë një të huaj".
Pas Biblës, Shekspirit dhe Agatha Kristit, Robbins - i u bë autori më i shitur i të gjitha kohërave - me rreth 750 milionë kopje. Shkroi më shumë se 20 libra, që u botuan dhe u përkthyen në 32 gjuhë. Ndikimi social i fenomenit Robbins qe i jashtëzakonshëm. Gjatë revolucionit seksual në Amerikën e viteve 60' të shekullit të kaluar, romanet e tij kanë pasur të njëjtin rol emancipues sa dhe pilula kundër shtatzanisë.
Që në çastin kur, me mjeshtrinë e tij, arriti të rrëfente fundin e shpirtit njerëzor dhe në këtë batak të shpirtit të notonte si njeri dhe si shkrimtar, ai e pati të garantuar suksesin dhe vlerësimin e lexuesit.
