Drejt psikologjise se qenies, Abraham Maslow

Titulli: Drejt psikologjisë së qenies
Origjinali: Toward a psychology of being
Gjinia: Psikologji
Autori: Abraham Maslow
Shqipëroi: Xhadi Gjana
Shtëpia botuese: Plejad
Viti: 2008
fq. 296
Pesha: 0.381 kg.
ISBN: 978-99956-706-8-9

Fragment nga vepra

Kapacitetet klithin për t'u përdorur dhe e ndërpresin britmën e tyre vetëm atëherë kur shfrytëzohen mirë... nuk është vetëm e gëzueshme t'i shfrytëzosh kapacitetet, po është e domosdoshme për zhvillimin. Aftësia apo kapaciteti i papërdorur mund të bëhet një vatër sëmundjeje ose të atrofizohet apo të zhduket, duke e reduktuar në këtë mënyrë personin.

Mbi librin

Teoritë e Abraham Maslow - t të vetaktualizimit dhe hierarkisë së nevojave janë guri themeltar i psikologjisë humaniste moderne dhe asnjë libër nuk i mishëron kaq mirë këto ide sa libri i tij klasik: "Drejt psikologjisë së qenies". Një libër i thellë, një libër ngacmues, ndikimi i të cilit vazhdon të përhapet më shumë se një çerek - shekulli pas vdekjes së autorit, përtej psikologjisë dhe kudo në teorinë humaniste, sociale dhe teoritë e drejtimit të biznesit.

E natyrisht, popullariteti i qëndrueshëm i librit buron nga pyetjet e rëndësishme që ngre dhe përgjigjet që siguron në lidhje me atë ç'ka është themelore për natyrën njerëzore dhe mbarëvajtjen psikologjike dhe atë ç'ka është e domosdoshme për të përkrahur, mbrojtur dhe rikthyer mbarëvajtjen mendore dhe emocionale.

Por suksesi i saj ka të bëjë gjithashtu me aftësinë unike të Maslow – t për të përçuar me pasion, saktësi dhe qartësi të mahnitshme koncepte të vështira filozofike dhe, përmes fuqisë së fjalëve të tij, të ndez tek lexuesit një ndjenjë të gëzimit dhe tërësisë krijuese drejt së cilës ne, si qenie të afta të vetaktualizimit, luftojmë.