Titulli: Dimër në kohë lufte
Origjinali: Oorlogswinter
Gjinia: Roman
Autori: Jan Terlouw
Shqipëroi: Edlira Keta
Shtëpia botuese: Dituria
Viti: 2020
Fq. 196
Pesha: 0.242 kg
ISBN: 978-9928-292-64-3
Mbi librin
Dimër në kohë lufte është një histori tërheqëse, plot aventura, e fuqishme dhe tejet frymëzuese, bazuar në kujtimet e vetë autorit, gjatë pushtimit nazist të Holandës.
Teksa Luftës së Dytë Botërore po i afron fundi, Holanda është ende nën kontrollin nazist dhe çdo veprim i rezistencës popullore dënohet me vdekje. Por kur Mikilit gjashtëmbëdhjetëvjeçar i kërkohet të kujdeset për një pilot britanik të plagosur, nuk mendohet dy herë. I bashkohet luftës së fshehtë kundër nazistëve, duke punuar çdo ditë për t’i dhënë fund pushtimit dhe për të mbrojtur ata që janë në rrezik, pa harruar për asnjë çast se spiunët janë kudo dhe qoftë edhe një fjalë e lëshuar pa menduar, mund t’i kushtojë jetën.
Një roman me ritëm të shpejtë dhe emocionues, që është botuar e ribotuar në Holandë e jashtë saj për gati pesëdhjetë vjet, qysh nga botimi i parë.
Jan Terlouw lindi në Holandë më 1931. Ai punoi si fizikan bërthamor në shtete të ndryshme anembanë botës, para se të hynte në politikë si përfaqësues i partisë holandeze D66 më 1971. Krahas karrierës në politikë, ai ka shkruar shumë libra të suksesshëm për fëmijë, përfshirë Dimër në kohë lufte, i cili bazohet në kujtimet e tij gjatë pushtimit nazist. Më 1973, romani fitoi çmimin Gouden Griffel si libri holandez më i mirë për fëmijë dhe është përshtatur për film dhe teatër. Jan Terlouw ka shkruar 24 vepra për fëmijë e të rinj. Në shqip nga ky autor është botuar libri Letra e koduar.
Komente
“Një libër i shkëlqyer, i shkruar mjaft mirë, që na kthen në një kohë jo fort të largët... Një dimër i tmerrshëm urie, pushtimi dhe lufte. Një roman që të gjithë duhet ta lexojmë, për të na kujtuar që kurrë të mos e marrim të mirëqenë lirinë, paqen dhe begatinë tonë.”
Michael Morpurgo, shkrimtar
