Titulli: Nga Ballkani në Mesdhe: Shqiptarët prej mesjetës në agimin e kohës së re
Origjinali: Nga Ballkani në Mesdhe: Shqiptarët prej mesjetës në agimin e kohës së re
Gjinia: Histori
Autori: Ardian Muhaj
Shtëpia botuese: Akademia e Studimeve Albanologjike
Viti: 2019
Fq. 472
Pesha: 0.545 kg
ISBN: 978-9928-289-31-5
Ky libër është në gjuhën shqipe
Mbi librin
Ky punim është fryt i një pune shumëvjeçare e kryer në biblioteka e arkiva të ndryshme të Shqipërisë dhe Europës. Boshti që e mban të lidhur këtë punim janë shqiptarët dhe prania e marrëdhëniet e tyre me detet që lagin brigjet shqiptare. Dinamika e evoluimit të kësaj marrëdhënieje pasqyron edhe dinamikën e evoluimit historik të shqiptarëve si etnos e si popull.
Në punim pasqyrohet një nga proceset më të rëndësishme të evoluimit historik të shqiptarëve si popull i lashtë ballkanik dhe i zgjerimit të pranisë dhe rolit të tyre drejt hapësirave të reja nga bregdeti dhe brendatoka ballkanike drejt hapësirave më të largëta mesdhetare e përtej. Kjo prani e shtuar historike apo shfrytëzim i hapësirave të reja e të largëta gjeografike, nuk shoqërohet me një prani politike të mirëfilltë të shqiptarëve dhe as me pushtim tokash e territoresh të reja në dëm të popullsive të tjera. Është një zgjerim dhe thellim i pranisë së shqiptarëve drejt horizonteve të reja, të panjohura më parë në histori.
