Keshtjella dhe eklipsi gjysmeshekullor, Luftar Pepmarku

Titulli: Kështjella dhe eklipsi gjysmëshekullor
Origjinali: Kështjella dhe eklipsi gjysmëshekullor
Gjinia: Histori / studim
Autori: Luftar Pepmarku
Shqipëroi:
Shtëpia botuese: Geer
Viti: 2007
Fq. 254
Pesha: 0.29 kg
ISBN: 978-99943-38-65-8

Kjo vepër është një analizë origjinale e historisë së Shqipërisë gjatë Luftës së Dytë Botërore dhe veçanërisht e drejtuesve më të spikatur të Lëvizjes së Legalitetit të asaj periudhe, por edhe dhjetëvjeçarë më vonë gjatë Shqipërisë post - komuniste. Autori bën një analizë midis dy regjimeve: periudhës së Monarkisë Shqiptare dhe regjimit komunist si filozofi shtetformimi dhe pushtetmbajtëse të kundërta. Autori e paraqet monarkinë si simbol të promovimit të vlerave të popullit dhe kombit drejt mirëqënies dhe bashkimit kombëtar; ndërsa antipodi i saj, diktatura komuniste, si simbol i tradhtisë dhe përçarjes kombëtare, i krimit ndaj jetës, krimit politik dhe ekonomik, që solli si pasojë shkatërrimin e vendit dhe regresionin total në të gjitha fushat dhe rrënimin e perspektivës së zhvillimit në raport me fqinjët. Autori, duke u bazuar në vetë dokumentet e kohës së regjimit komunist, ka arritur të dëshmojë shkatërrimin e institucionit demokratik të shprehjes së vullnetit të popullit nëpërmjet votës dhe manipulimit kriminal të saj në të vetmet zgjedhje gjysëm - pluraliste që u zhvilluan më 2 dhjetor 1945. Në këtë vepër, autori shfaq hapur simpatinë e tij kundrejt drejtuesve të spikatur të Lëvizjes së Legalitetit në luftën e tyre kundër fashizmit dhe diktaturës komuniste dhe gjithashtu shpreh qëndrimin e tij pozitiv ndaj kontributit të Mbretit Zog në themelimin e shtetit modern shqiptar.