Skicë e mendimit politik shqiptar, Hysamedin Feraj

Titulli: Skicë e mendimit politik shqiptar

Origjinali: Skicë e mendimit politik shqiptar

Gjinia: Shkenca politike

Autori: Hysamedin Feraj

Shtëpia botuese: Logos A

Viti: 2010

Fq. 577

Pesha: 0.66 kg

ISBN: 978-9989-583-63-6

Mbi librin

Dr. Hysamedin Feraj (1962) është mësimdhënës i Shkencave Politike në Universitetin e Tiranës. Ky studim u bë objekt i lëvdatave dhe qortimeve gati të tepruara para se të botohej duke dhënë shpresë për fillimin e diskutimit shkencor edhe në Shqipëri. Ai përgjithësisht u njoh me emrin "Dizertacioni", sepse fillimisht (janar 1997) u mbrojt si dizertacion i zakonshëm me titull "Aspekte të mendimit politik zyrtar në Shqipëri pas Luftës së Dytë Botërore deri më 1990". Punimi është shkruar gjatë vitit 1996, ndërsa në tërësi është rezultat i një pune kërkimore dhjetëvjeçare (1986 – 1996).

Në këtë botim nuk është hequr asgjë dhe nuk është bërë asnjë shtesë e rëndësishme veç shtimit të kapitullit "Ndarja e madhe pas shpalljes së Pavarësisë", madje për të ruajtur origjinalitetin, nuk janë hequr edhe disa përsëritje të argumenteve që nga ana e redaktuesve u këshilluan. Ndryshimi i titullit lidhet me arsye të tjera. Në fillim, synimi ishte të studiohej në mënyrë sistematike dhe metodike vetëm një aspekt i këtij mendimi politik zyrtar, çështja nëse ka qenë apo nuk ka qenë nacionalizmi shqiptar burim dhe motiv përcaktues i politikës enveriste, ose më shkurt, a ka qenë enverizmi nacionalizëm shqiptar.

Mirëpo, tema u zgjerua aq shumë sa titulli fillestar nuk i përgjigjej më. Studimi mori pamjen e një skice të përgjithshme të mendimit politik të shqiptarëve. Komente mbi librin "Studimi përbën një përsiatje dhe një analizë të lidhur me fatet e kombit shqipar me treguesit e vet politikë e kulturorë." As. Prof. Dr. Artan Fuga, filozof "Me siguri është një studim i ri për nga vizioni, metodat, operimi dhe përfundimet në të cilat autori del në mënyrë të natyrshme... është arritur të ndërtohet një strukturë mjaft koherente, me një skelet teorik solid, me mbushje të pasura faktike dhe me ngjizje që zbulon shkallën e lartë të arsyetimit, të analizës dhe të forcës abstraguese të autorit..."

As. Prof. Dr. Pëllumb Xhufi, historian