Heronjtë, Simon Sebag Montefiore

Titulli: Heronjtë, historitë e burrave dhe grave më të famshme
Origjinali: Heroes, history's greatest men and women
Gjinia: Histori
Autori: Simon Sebag Montefiore
Shqipëroi:  Skënder Shkupi
Shtëpia botuese: Botimet 55
Viti: 2015
Fq. 524
Pesha: 0.852 kg.
ISBN: 978-9928-106-33-9

Koment nga autori

Heroizmi nuk është në modë. Ne shpërfillim heronjtë e vërtetë dhe në vend të tyre ngremë idhuj pa vlera. Epoka moderne e realitetit – TV dhe e lajmeve 24 orëshe pa ndalesë shpesh ngatërron shfaqjet publike të emocioneve dhe vuajtjeve me veprat e vërteta të heroizmit. Por ne duhet ta bëjmë heroizmin sërish të modës.

Ju nuk do të jeni dakord me të gjitha zgjedhjet e mia. Ju rrëfehem se zgjodha disa personazhe sepse thjesht nuk munda t'i rezistoja gjenisë apo shpirtit të tyre. Nëse do të kisha zgjedhur vetëm shenjtorë, atëherë "Heronjtë, historitë e burrave dhe grave më të famshme" do të ofronte një lexim të mërzitshëm – dhe unë shpresoj, mbi të gjitha, që të paktën ky do të jetë një libër zbavitës e po ashtu informues për lexuesin.

Virtytet e heroizmit janë trimëria, toleranca dhe altruizmi. Heroizmi përfshin gatishmërinë për të rrezikuar, për t'u dalë zot atyre që janë më të dobët dhe për të mbrojtur lirinë. Heronjtë ndiejnë një detyrim kundrejt diçkaje që duhet ndrequr jashtë vetes së tyre më shumë sesa të parit thjesht vetëm të lumturisë së tyre.

Ky libër është një përkushtim ndaj trimërisë njerëzore, realizimit të një qëllimi, tolerancës dhe krijimtarisë por njëherësh është edhe një arkë – thesar historish dhe personazhesh që ne të gjithë duhet t'i njohim.