Titulli: Historitë
Origjinali: Ἱστορίαι
Gjinia: Histori
Autori: Herodoti
Shqipëroi: Aleko Minga
Shtëpia botuese: IDK
Viti: 2014
Fq. 610
Pesha: 0.758 kg.
ISBN: 978-9928-136-24-4
Mbi librin
Një nga kryeveprat e letërsisë klasike e më në përgjithësi të letërsisë botërore të të gjitha kohëve. Jo rastësisht shumëkush e ka quajtur Herodotin si Homerin e prozës evropiane. Të tjerë e kanë quajtur atë "babai i historisë". Por, ç'është më e rëndësishmja, "Historitë" s'është thjesht një objekt i vendosur në raftet e muzeut të historisë, por një vepër që vazhdon të lexohet, për të cilën vitet e fundit ka patur një interesim në rritje, çka ka sjellë një mori përkthimesh e botimesh të reja të veprës së tij në shumë vende të botës, duke e bërë atë një ndër veprat më të lexuara të letërsisë klasike.
Siç dihet, në qendër të veprës së Herodotit është ndeshja mes qyteteve – shtete helene dhe "barbarëve", ushtrisë së stërmadhe të Perandorisë Persiane, e cila në fillim të shekullit të pestë para e. r. u rrek të pushtonte Greqinë e mbarë Europën.
Një ndeshje e pabarabartë, nga e cila ushtria e vogël greke doli fitimtare, duke shënuar kësisoj një ndër epopetë më të lavdishme, e cila bëri të mundur lindjen e Epokës së Artë të Athinës, që pati një ndikim aq afatgjatë në gjithë zhvillimin e kulturës moderne.
Por libri i Herodotit s'është thjesht rrëfimi i kësaj lufte, përkundrazi, është një vepër që sjell një informacion tepër interesant për mbarë botën e njohur të kohës së tij, për mjaft vende e popuj të tjerë të Europës e Azisë.
