Titulli: Apologjia e Sokratit
Gjinia: Filozofi
Autori: Platoni
Shqipëroi: Matilda Lika
Shtëpia botuese: Zambaku
Viti: 2011
Fq. 50
Pesha: 0.08 kg
ISBN: 978-99956-08-41-5
Fragment nga libri
Detyra ime është t'u tregoj se virtytet nuk i blejnë dot me para, por paratë dhe mirësia e njeriut fitohen duke pasur virtyte. Në qoftë se mendoni që këto që ju thashë janë gabim dhe ju sjellin të rinjve dëme, atëherë mund ta quaj veten fajtor. Por po doli ndonjëri prej jush e thotë se ti nuk na ke mësuar diçka të tillë, atëherë ai gënjen.
Në këtë vepër brilante do të lexoni mbrojtjen legjendare të filozofit që vendos nderin dhe diturinë e tij përballë padrejtësive dhe shpifjeve.
Mbi autorin
Platoni, nxënës i Sokratit, lindi në qytetin e madh të Athinës. Nga i ati, rrënjët e familjes së tij fisnike rrjedhin prej mbretit Kodros, ndërsa nga e ëma prej shumë të njohurit taksavënës Solon. Gjithashtu, ai ishte kushëri i burrave të famshëm të shtetit Kritia dhe Karmidi. Platoni mori arsimin më të mirë që mund të merrej në atë periudhë kohe, duke u edukuar dhe përgatitur për t'u bërë politikan.
Përkrah kësaj përgatitjeje, ai nuk la mënjanë arsimin rreth muzikës dhe gjimnastikës. Njohja me Sokratin i dha jetës së tij një formim krejt të ri, duke ndikuar pothuajse tek të gjitha veprat që ka shkruar.
Arsyeja kryesore e ekzekutimit të Sokratit i dha Platonit mundësinë të formonte idenë kryesore të filozofisë së krijuar rreth politikës. Edhe pse shkruhet dhe thuhet se Platoni ka shëtitur nëpër shumë vende, në të vërtetë dihen saktë vetëm udhëtimet që bëri në Itali dhe Siçili. Ishin këto shëtitje që formuan edhe pjesën më të rëndësishme të jetës së tij, sepse i mundësuan të njihej nga afër me punimet e Pitagorës, të interesohej rreth matematikës, si dhe të zgjeronte njohuritë fetare.
Gjatë shëtitjes në Siçili njohu edhe mbretin, kushëririn e tij, Dionin, me të cilin krijoi një shoqëri të ngushtë. Platoni u mundua të kishte një ndikim tek ai, por kjo rezultoi pothuajse e pasuksesshme. Madje, nga një keqkuptim dhe mosmarrëveshje me mbretin ai u shit si skllav dhe vetëm nga takimi i rastësishëm me një të njohur iu mundësua sërish liria. Kur u kthye nga Siçilia formoi shkollën e shumënjohur "Akademia", e cila brenda njëzet viteve u bë shkolla më e famshme për shkak të mësimeve që zhvilloheshin, si dhe për kontributin e vyer në zhvillimin e matematikës.
Platoni dha mësim në këtë shkollë, ku u bë edhe mësuesi i Aristotelit. Është shumë i përhapur mendimi se Platoni është vrarë gjatë një feste. Të gjitha veprat e tij filozofike, të cilat kanë arritur deri në ditët e sotme, janë formuar mbi bazën e një dialogu. Mendohet që të gjithë dialogjet autentikë të Platonit kanë mbijetuar.
