Titulli: Rrënjët e Brazilit
Origjinali: Raizes do Brasil
Gjinia: Histori
Autori: Sèrgio Buarque de Holanda
Shqipëroi: Blerta Hoxha
Shtëpia botuese: Aiis Tirana Times
Viti: 2013
Fq. 186
Pesha: 0.33 kg
ISBN: 978-9928-4125-1-5
Koment nga Anxhèlika Madeira
Rrënjët e Brazilit, botuar në vitin 1936, është vepra e parë e Sèrgio Buarque de Holanda, i cili do të bëhej një nga intelektualët më të rëndësishëm të brezit të tij. Sèrgio Buarque dallohet për një interpretim origjinal të asaj çka ishte e kaluara jonë, e karakterizuar siç ka qenë nga tre shekuj sundimi kolonial dhe nga katër shekuj skllavëri.
Sèrgio Buarque krijoi forma të reja narracioni dhe studioi dokumentet dhe raportet e lashta, në përpjekje për të kuptuar vështirësitë bashkëkohore me të cilat po përballej vendi gjatë modernizimit të tij. Në fillim të shekullit XX, me lëvizjen moderniste, ndodhi një përmbysje në mënyrën se si brazilianët e shihnin vetveten. Në shekullin e kaluar debati intelektual mbizotërues, i ushqyer nga disa teori pseudo – shkencore, ishte fokusuar mbi konceptin e racës si një kategori biologjike, e cila përdorej si bazë për vendosjen e një hierarkie mes kombeve, sipas po të njëjtave teori.
