Teoria Politike Perendimore, Lee Cameron McDonald

Titulli: Teoria Politike Perëndimore, Lashtësia dhe Mesjeta, pjesa e parë
Origjinali: Western Political Thought, Ancient and Medieval, part 1
Gjinia: Shkenca politike
Autori: Lee Cameron McDonald
Shqipëroi: Julian Qineti, Elton Tahirllari
Shtëpia botuese: Ideart
Viti: 2006
Fq. 380
Pesha: 0.471 kg.
ISBN: 978-99943-43-06-8

Koment nga autori

Përse shërben teoria politike? Pyetja është e formuluar gabim dhe përgjigjia jonë nuk mund të jetë përfundimtare, thjesht sepse teoritë politike mund të përdoren në mënyra të pambarimta: për ta kaluar kohën e lirë ose për të plotësuar fjalëkryqe, për të racionalizuar veprimet e shkuara apo për t'u shitur mend miqve, për të zbuluar kuptimet apo për t'i ngushëlluar ata kur dështojnë në zgjidhjen e tyre, për të frymëzuar kurajë përballë ndërlikimit të historisë ose për të shpjeguar zgjedhjet njerëzore përmes proceseve nën – njerëzore.

Teoricienët politikë nuk pajtohen mes tyre se çfarë është teoria politike apo se si ajo mund të hyjë në punë. Por që t'u kërkosh teoricienëve të vdekur mijëra vjet më parë që t'u përmbahen përkufizimeve formale të teorive tona të kufizuara është afërmendsh një marrëzi. Të anashkalosh leximin e teorisë politike me pyetjen si si ne mund ta vëmë atë në punë nuk ëshë vetëm e pamend, por edhe mungesë mirësjelljeje.

Në këtë vepër, lexuesi do të gjejë të sistemuar në mënyrë kronologjike dhe disiplinare teoritë më të rëndësishme të politikës, ato që ndryshuan rrjedhën e ngjarjeve, emrat e sundimtarëve, format e qeverisjes, kufinjtë e shteteve dhe besimeve dhe që tekefundit bënë të ndryshojë edhe njeriu si banor i hapësirës dhe kohës.

Janë tezat më të njohura të mendimit politik të Lashtësisë dhe Mesjetës, janë emrat më përfaqësues që nga Platoni, Sokrati e Aristoteli dhe gjer tek Agustini, Akuini, Xhoni i Sollsbërit, Dante, Marseli i Padovës, Nikolla i Kozës dhe shumë mendimtarë të tjerë që lanë gjurmë në ato epoka.