Titulli: Ngushëllimet e filozofisë
Origjinali: The consolations of philosophy
Gjinia: Filozofi
Autori: Alain de Botton
Shqipëroi: Erion Kristo
Shtëpia botuese: Ideart
Viti: 2004
Fq. 240
Pesha: 0.241 kg
ISBN: 978-99927-919-7-7
Mbi librin
Nëse keni vendosur të lexoni një libër të vetëm filozofie, le të jetë ai ky që mbani në duar. Do të njiheni me gjashtë kulme të filozofisë, përcjellë përmes leximit të një filozofi tejet profesionist. Pa hyrë në misteret dhe labirintet e filozofisë, ju do të kuptoni disa përse që i keni pasur gjithherë në mendje. Para jush do të shfaqet Sokrati, Epikuri, Seneka, Montenji, Shopenhaueri, Niçe.
Me idetë, veprën dhe jetën e tyre, së bashku me kumtet e fshehta dhe ato aspekte të filozofisë që mund t'u ngushëllojnë në jetën tuaj, ata do ju shërbejnë të parandaloni dhimbjen. Si i bëhet hallit kur nuk ke të holla? Si t'i shpëtosh vuajtjeve të dashurisë? Si të shpëtojmë nga ndjenja e zhgënjimit? A ka ngushëllim për mungesën e famës? Mospërshtatja me botën është vlerë apo mangësi? A duhet gëzuar jeta?
Vështirësitë e kalisin apo e shtrembërojnë karakterin? Ky libër është i pasur me ilustrime dhe shembuj, është një perlë që bën pjesë në koleksionin e stolive të serisë "Lexime filozofike", seri që synon t'jua bëjë të dashur dhe të afërt Filozofinë, këtë "dashuri për dijen".
