Titulli: Transformimi qytetërimor dhe bota muslimane
Origjinali: Civilizational Transformation and the Muslim World
Gjinia: Shkenca politike
Autori: Ahmet Davutogllu
Shqipëroi: Olsi Jazexhi, Redi Shehu
Shtëpia botuese: Logos A
Viti: 2009
Fq. 270
Pesha: 0.311 kg.
ISBN: 978-9989-58-289-0
Mbi librin
Ky libër është shkruar përmes tri fazave. Gjatë fazës së parë u bë një analizë e krizës dhe e transformimit qytetërimor dhe u paraqit si kumtesë në një konferencë mbi Marrëdhëniet e Komunitetit Europian me Turqinë, të mbajtur në Stamboll në dhjetor 1989, fill pas rënies së Murit të Berlinit.
Gjatë fazës së dytë në vitin 1991, prapavija filozofike dhe rrjedhojat politike të transformimit qytetërimor u analizuan brenda një kornize krahasuese mes qytetërimit perëndimor dhe atij islam. Edhe kjo analizë u paraqit si kumtesë. Argumentet vijuese u bënë pikat kryesore në kumtesë, paraqitur menjëherë pas fitores në Luftën e Gjirit të udhëhequr nga SHBA.
Faktet politike kanë vërtetuar qartësisht prirjen e parashikuar në këto kumtesa të shkruara veçmas njëra – tjetrës. Futurizmi optimist u venit, veçanërisht pas luftës së Bosnjës. Shkatërrimi i identitetit dhe trashëgimisë islame mu në qendër të Europës me mënyrat më çnjerëzore të spastrimit etnik vërtetoi çekuilibret e sistemit ndërkombëtar të krijuar nga qytetërimi perëndimor.
Plogështia e treguar kundrejt agresionit serb nxori në pah ngurrimin perëndimor për një bashkëjetesë paqësore me kulturat dhe qytetërimet e tjera. Konfliktet ndërkombëtare mes forcave sistemore i kanë përshpejtuar paqëndrueshmëritë politike dhe kanë përkeqësuar krizën politike në zona të ndjeshme gjeopolitike.
Libri hapet me një këqyrje kritike të teorive të fundizmit, të cilat deklaruan fundin e fesë, të ideologjisë dhe të historisë. Kjo këqyrje synon të sqarojë keqkuptimet e paradigmës moderniste për të ardhmen e njerëzimit. Ajo pasohet nga një vështrim i përgjithshëm mbi krizën qytetërimore, e cila ofron një kornizë teorike për argumentin kryesor të librit, që dështimi i socializmit është tregues për një krizë dhe transformim gjithëpërfshirës qytetërimor.
