Titulli: Hayek – u për Hayek – un, dialog autobiografik
Gjinia: Autobiografi, ekonomi
Autori: F. A. Hayek
Shqipëroi: Selami Xhepa
Shtëpia botuese: UET Press
Viti: 2017
Fq. 272
Pesha: 0.297 kg.
ISBN: 978-9928-236-34-0
Koment nga Stephen Kresge dhe Leif Wenar
"Hayek – u për Hayek – un" u frymëzua nga vetë zëri i Hayek – ut. Jo edhe aq nga timbri i tij, sesa nga mënyra karakteristike e të shprehurit të autorit, që zbulon një mendim të peshuar, pikëpamjen e tij unike mbi gjërat.
A nuk do të ishte një përfitim i madh të kishe zërin e Hayek – ut si një busull drejtuese për të kuptuar zhvillimin e ideve të tij dhe për të risjellë në vëmendje ngjarjet dhe eksperiencat e shekullit të kaluar që zgjuan dhe ngjizën këto ide?
Shkrimi i këtij udhërrëfyesi bazohet në dy burime primare. Fillimisht, në shënimet autobiografike të Hayek – ut, të cilat ai i hodhi gjatë një periudhe disavjeçare, duke nisur nga viti 1945.
Më vonë, Hayek – u pranoi që shënimet e tij të botoheshin. Ia kishte kaluar materialin W. W. Bartley – t III, i cili kishte marrë përsipër të hartonte biografinë e tij. Bartley – i po dilte në përfundimin se shënimet duhesin botuar ashtu siç ishin.
Kur dha pëlqimin, Hayek – u me ngurrim sugjeroi që ato të përfshiheshin brenda një vepre biografike më të gjerë, ndoshta të shtuara me një shkrim të ndryshëm. Ne ndoqëm pikërisht këshillën e tij.
Duke lexuar nëpër sa e sa intervista të Hayek – ut, vumë re se ai kishte dhënë gjithashtu një profil të biografisë së tij intelektuale. Sigurisht, ky ishte interesi i tij i qartë, siç shfaqet në bisedat e shumta ë tij me Bartley – n.
Këto dhe intervista të tjera, veçanërisht ato të zhvilluara nën kujdesin e Programit të Historisë Gojore në Universitetin e Kalifornisë në Los Anxhelos, janë burimi i dytë prej nga është bazuar "Hayek – u për Hayek – un".
