Tito dhe shokët, Joze Pirjevec

Titulli: Tito dhe shokët (Kopertinë e trashë)

Origjinali: Tito in Tovarisi

Gjinia: Biografi

Autori: Joze Pirjevec

Shqipëroi: Shpresa Rupar

Shtëpia botuese: Botart

Viti: 2020

Fq. 768

Pesha: 1.187 kg

ISBN: 978-9928-286-79-6

Mbi librin

Ky botim sjell këndvështrime të reja për jetën e Titos si dhe për rolin e tij vendimtar për forminin dhe zhvillimin e një Jugosllavie tjetër. Autori është mbështetur mbi një numër dokumentesh, të cilat ruhen në arkivat personale dhe shtetërore në Lubjanë dhe në kryeqytete të tjera të republikave të ish- Jugosllavisë. Ai gjithashtu hulumtoi mes materialeve që janë në dispozicion në arkiva të ndryshme në Washington, New York, Moskë, Berlin, Kajro, New Delhi...

Autori gjatë kërkimve të ndryshme arriti të kishte qasje edhe tek materialet e arkivave të shërbimeve sekrete vendase dhe të huaja si STAS dhe KGB, ku mësoi fakte të reja për vendimet e Titos dhe reagimet e shokëve të tij më të afërt në momentet historike kyçe.

Për herë të parë, detaje nga përplasjet e forta të udhëheqësit jugosllav me Stalinin, flirtet me Çurçillin dhe presidentin amerikan, Nikson, si dhe ndihmat ushtarake dhe ekonomike që përfitoi nga SHBA dhe Anglia.

Roli i Titos në krijimin e Partisë Komuniste të Shqipërisë dhe organizimin e rezistencës antifashiste. Përse kishte frikë prej shqiptarëve, raportet e vështira me Enver Hoxhën dhe infiltrimi i agjentëve nga Shqipëria në Kosovë...

Mbi autorin

Dr. Jozhe Pirjevec, i lindur në 1940, e filloi karrierën e tij akademike në vitin 1971 në Universitetin e Pizës duke vazhduar më vonë në Trieste dhe në Padova. Në vitin 1996 ai u bë kryetar i katedrës për Historinë e Kombeve Sllave në Fakultetin e Filologjisë në Trieste. Po në të njëjtin vit u emërua këshilltar shkencor në qendrën e Kërkimeve Shkencore në Koper të Sllovenisë. Në vitin 1988, për librin Tito, Stalini dhe Perëndimi, fitoi çmimin e Fondacionit Kidriç, ndërsa në vitin 2002 për monografinë Lufta Jugosllave 1991-1999, mori çmimin Premio Acqui. Në vitin 2007 mori titullin Ambasador i Shkencave dhe dy vjet më vonë u bë anëtar i përhershëm i Akademisë së Shkencave dhe Arteve të Sllovenisë.