Bloc notes, Ylli Demneri

Titulli: Bloc notes

Gjinia: Biografi

Autori: Ylli Demneri

Shtëpia botuese: Odeon

Viti: 2018

Fq. 279

Pesha: 0.325 kg

ISBN: 979-10-95002-01-7

Mbi librin

Nga të gjitha format letrare, fragmenti, të paktën që nga Sei Shanagon e këndej, është zhanri narrativ që i afrohet më shumë heterogjenitetit të mendjes njerëzore dhe ku kjo e fundit gjen ndoshta vendin më adekuat të shprehjes.

Dhe një libër si Bloc notes, të ndërtuar pikërisht me fragmente, gjen të ndërthurura shprehjet më të zakonta e më të larmishme të mendjes: mendime, qëndrime, ndjenja, gjëra të para, të dëgjuara, të shijuara, reale dhe imagjinare, në shtëpinë e fëmijërisë dhe në dhomat e kujtesës, në rrugicat e lagjes dhe në udhët e botës, në tren, biçikletë e avion, me njerëz të njohur e të panjohur, të afërt e të largët, me sytë e trupit e të kamerës, gëzimin e pikëllimin, frikën e shpresën, kënaqësinë dhe dhimbjen.

Në këto shënime sa të përbashkëta aq dhe intime, ku kolektivja dhe individualja i lënë vendin njëra tjetrës në një marrëdhënie të pandërprerë e  të pandashme, të krijohet përshtypja se është shprehur çdo situatë jetësore.