Titulli: Kujtime
Gjinia: Kujtime, histori
Autori: Sergej Dmitrieviç Sazonov
Shqipëroi: Vladimir Bregu
Shtëpia botuese: Helga's Secrets
Viti: 2011
Fq. 352
Pesha: 0.33 kg
ISBN: 9928-4022-8-0
Mbi librin
Libri vlen sidomos për studiuesit profesionistë të historisë, që duan të mësojnë më shumë për ngjarjet e kësaj periudhe, pedagogët, politikanët, diplomatët shqiptarë, analistët historikë si dhe lexuesit e zakonshëm të cilët kanë etje, ende, për ta zhbiriluar këtë periudhë shumë e largët e që ka lënë sigurisht vraga edhe në jetët e brezit të tyre.
Ky libër vlen për të qartësuar përfundimisht ata mitomanë rusofilë shqiptarë, kryesisht ish - komunistë, të cilët janë rritur e edukuar me një ndjenjë të thellë dashurie politike të pakuptimtë e vetëvrasëse ndaj Rusisë (më saktë ish - BRSS), njëlloj sikur ta kishin mëmën e tyre të dytë...
Këtu zbulohet qartë, me një panoramë simetrike me qëndrimin rus ndaj ngjarjeve gjatë periudhës së çmontimit të ish - Jugosllavisë dhe ndaj fatit të Kosovës (1981 – 1999), roli dhe këndvështrimi i tyre mbi fatin dhe popujt e Ballkanit dhe, në këtë mënyrë edhe pozicioni i Rusisë në raport me çështjen panshqiptare.
Këtu lexuesi mund të orientohet më shumë mbi labirintin e atyre momenteve, kur si në një pezhishkë merimange do të përpëliteshin jetët e gjyshërve dhe stërgjyshërve tanë, jetë të cilat më së shumti u prenë në mes apo me vështirësi dolën nga grackat e historisë dhe kurthet e sllavo - ortodoksëve armiqësorë ballkanikë, me ndihmën e Austro-hungarisë dhe aleancës së Boshtit apo të ndihmuar nga fati e rrethanat si dhe kontributi i gjithë patriotëve dhe popullsisë shqiptare, e cila si asnjëherë në histori u gjend pranë asgjësimit, e mbështetur pas muri e me gjunjë në tokë, me pushkën ruse mbrapa koke.
