Titulli: Tefta Tashko Koço dhe koha e saj
Origjinali: Tefta Tashko Koço dhe koha e saj
Gjinia: Biografi
Autori: Eno Koço
Shtëpia botuese: Dituria
Viti: 2000
Fq. 256
Pesha: 0.28 kg
ISBN: 978-99927-47-11-0
Komente mbi Tefta Tashkon
"Entusiazmi i vullgut arriti në kulmin e tij kur këndoi zojusha Tefta këngën shqipe të mallëngjyeshme të Muços së gjorë e të mirënjohur në popullin shqiptar bilbil, o i mjeri bilbil. Talenti i saj u çfaq menjëherë madhështor e impozant dhe populli, i cili e kish dëgjuar edhe tjetër herë këtë këngë, mundi të çmonjë edhe më tepër mjeshtërinë e artistes sonë, që aqë bukur e me aq shije e ëmbëlsi e këndoj këtë këngë." Kr. Floqi, Diana, 24-XII-1935, fq. 11
"Ay zë i ëmbël, i pasur, i fuqishmë, me timbrim e kulluar si uji i atij krojit që zbret nga mali, kishte një suplesë në nuancat më të holla, një vetsundim në pasazhet më të vështira, një kumbim të thekshëm në notat më të larta, që na linin të mahnitur. Përmbi përsosjen teknike ishte shpirti i artistes që frymëzonte ekzekutimin e çdo copës së programit dhe i jepte zërit gjithë atë fuqi shprehjeje që kishte vënë auktori në veprën e tij. Këngëtorja çkrihej në valat herë të lehta, herë të furishme, herë tronditëse dhe herë përkëdhelëse të harmonisë muzikale dhe kështu bëhej e zonja të interpretonte po me atë sukses arie të lehta e gazmore si "te quiera" dhe pjesë operash ku fuqia e shprehjes arrin kulme të pakapërxyeshme." Tajar Zavalani, Shtypi, 27 shkurt 1938, fq. 3
"Në fakt zojusha Tashko asht nji e palodhëshme e artit zanor të Shqipnis; ajo u bjen mes për mes qendravet të mëdhaia të Shqipnis si një paralajmëtare e nji jete të re zhvillimi shpirtnor të popullit tonë dhe kudo kanga e saj u prit me simpathinë ma të ndime." S. S., Drita, 17 shkurt 1938, fq. 2
