Bonavia, Dragan Velikić

Titulli: Bonavia
Origjinali: Bonavia
Gjinia: Roman
Autori: Dragan Velikić
Shqipëroi: Virgjil Muçi
Shtëpia botuese: Dituria
Viti: 2022
Fq. 296
Pesha: 0.332 kg
ISBN: 978-9928-366-27-6
Ky libër është në gjuhën shqipe

Mbi librin

“Bonavia” është afresku i mbarë shoqërisë postjugosllave në kërkim të një identiteti të ri në rravgimin e vet midis të shkuarës së anatemuar, të tashmes problematike dhe të ardhmes së pasigurt.

Në të gjallojnë një galeri personazhesh komplekse, të cilët enden si somnambul në një realitet që i ngjan ëndrres dhe zhgjëndrrës, që përfton përmasa fantazmagorike. Jeta është një këmishë force në çfarëdolloj dimensioni ku enden personazhet e tij: Beograd, Zemun, Vjenë, Boston, Kaliforni; ndërsa Vdekja krijon atë ekuilibër që jeta është e pazonja t’iu ofrojë të gjallëve në endjen e tyre.

Romani i Dragan Velikiçit është një lojë pasqyrash për të gjithë ne që jetojmë në këtë gadishull të kontinentit të vjetër, qofshim serbë, shqiptarë, boshnjakë, kroatë, malazeze etj. Paradoksalisht të ndarë në ngjashmëritë tona dhe të përbashkuar në mllefet e mëritë që na ndajnë e përçajnë.
Është pikërisht ky dimension mbarëballkanik, që e bën këtë libër të rrugëtojë në vendet tona dhe i bën personazhet e tij të flasin natyrshëm sa serbisht, kroatisht, boshnjakisht dhe, së fundi, edhe shqip.