Titulli: Kitchen
Gjinia: Roman
Autori: Banana Yoshimoto
Përktheu në shqip: Elda Ymeri
Shtëpia botuese: Dituria
Viti: 1999
Pesha: 0.18 kg
ISBN: 978-99927-31-73-7
Mbi librin
I pari roman në shqip nga autorja e njohur japoneze, Yoshimoto. Bestseller, me miliona kopje të shitura, Kitchen vë pranë njëri-tjetrit tregime për nënat, transeksualitetin, kuzhinat, dashurinë, tragjedinë etj.
Romanet e Banana Yoshimotos e bënë atë të famshme në të gjithë Japoninë dhe anembanë botës.
Kitchen, debutimi i saj i jashtëzakonshëm edhe në shqip, që mbetet edhe sot libri i saj më i dashur, është një vepër e magjishme, origjinale dhe thellësisht prekëse, që flet për nënat, dashurinë, tragjedinë dhe forcën e kuzhinës e të familjes në jetën e dy vajzave të reja, mendjehapura, në Japoninë e ditëve tona.
Mikaxhe, protagonistja e Kitchen, është jetime, e rritur nga gjyshja, tashmë e ndarë nga jeta. E pikëlluar, mirëpritet nga shoku i saj Juiki dhe nëna e tij (që dikur ishte babai), Eriku. Të tre formojnë një familje të improvizuar, që së shpejti përballet me humbjet e veta tragjike.
Me këtë roman dhe me rrëfimin e shkurtër që e mbyll, Banana Yoshimoto i është imponuar vëmendjes së lexuesit kudo në botë, duke treguar një imazh të pazakontë të Japonisë, me një gjuhë të freskët dhe origjinale, gati një ripunim letrar i stilit komik manga.
