Titulli: Të qetë në kohë lufte
Origjinali: Tranquilos en tiempo de guerra
Gjinia: Tregime
Autori: Cristian Crusat
Shtëpia botuese: Albas
Viti: 2017
Fq. 72
Pesha: 0.121 kg.
ISBN: 978-9928-02-936-2-2
Mbi librin
Ky vëllim me tregime është një libër personazhesh, më shumë se intrigash. Në këto tregime, argumentet thuajse i nënshtrohen konfliktit të disa personazheve, që duket se problemet e tyre i zgjidhin në vetmi dhe jo me gjykimin e shëndoshë, por me shpirtin e tyre sentimental.
Në tregimet e këtij vëllimi duket se projektohet filmi i një krize, në të cilin parathuhen ndryshime vendimtare, por që kurrë nuk arrijnë të formohen qartësisht në objektivin final të tregimit.
Autorit nuk i intereson përfundimi, zgjidhja e historisë së tyre dhe as ndjekja e rrymës klasike të rrëfimit; atë, mbi të gjitha, e shqetëson tema, thyerja, ndeshtrashat e personazheve të tij, braktisja, e cila i mposht ato me një ashpërsi të ftohtë.
Në këto rrëfime ka një përzierje çudish, ëndrrash, lirizmi, sugjerimesh, që janë në mëshirë të shkopit drejtues, sa të pavendosur, aq edhe të papritur, të Crusat-it dhe që, për pasojë, dikush atje brenda, në thellësi të guvës së këtyre teksteve, gjendet i humbur dhe mrekullisht i çorientuar.
