Asnjë qindarkë më shumë, asnjë qindarkë më pak, Jeffrey Archer

Titulli: Asnjë qindarkë më shumë, asnjë qindarkë më pak
Origjinali: Not a penny more, not a penny less
Gjinia: Roman
Autori: Jeffrey Archer
Shqipëroi: Mirela Milori
Shtëpia botuese: Ombra GVG
Viti: 2018
Fq. 368
Pesha: 0.465 kg.
ISBN: 978-9928-06-221-5

Fragment nga libri

- Jorg, do të presësh deri në orën 6 sonte me orën e Europës Qendrore një transfertë prej shtatë milion dollarësh nga banka "Kredit Paris" në llogarinë numër 2. Do t'i nisësh menjëherë me transfertën e klasit të parë gjatë natës dhe me siguracionin trefish "A", për transfertat e biznesit. Me një fjalë, do t'i investosh në tregun e dollarit gjatë orëve të natës, më kuptove?

- Po,Harvi.
- Kalo një milion dollarë për bankën e "Minas Gerais", të Rio-de-Zhanejros, në emrat e Silversteinit dhe Eliotit dhe anulo pagesën e kredisë tek banka "Barklejs", në rrugën "Lombardi". Më kuptove?

- Po, Harvi.
- Duhet të blesh ar për llogarinë e aksioneve të mia deri në vlerën 10 milion dollarë, dhe më pas prit për udhëzime të mëtejshme. Përpiqu dhe bli kur tregu i aksioneve të jetë në vlerën më të ulët dhe mos u ngut, prit! Më kuptove?

* * *

Në rrugën "Harli", në rrugën "Bond" dhe në rrugën e Mbretit në Fakultetin Magdalen, të Universitetit të Oksfordit, ishte ora 6 e 20 e mbrëmjes. Katër burra, që nuk njiheshin, kontrolluan vlerën e aksioneve të shoqërisë "Diskoveri Oil", në numrin e fundit të gazetës londineze "Evening Standard".

Vlera e aksioneve ishte 8 dollarë e 20 centë. Të katërt ishin tashmë njerëz të pasur, që po mendonin se si të fuqizonin suksesin e mëtejshëm të karrierës së tyre të sigurt. Por e nesërmja për ta do të ishte ndryshe... mëngjesi do t'i gjente trokë!

* * *

Të grumbullosh një milionshin e parë në mënyrë të ligjshme është e vështirë. Të bësh një milionshin e parë në mënyrë jo të ligjshme është pak më e lehtë. Të ruash një milionshin e parë, ndoshta është operacioni më i vështirë.

Henrik Metelski ishte prej atyre njerëzve të rrallë që i kishte menaxhuar të treja këto situata. Edhe pse një milionshi i parë i ligjshëm ishte grumbulluar mbas një milionshit që kishte përfituar në rrugë jo të ligjshme, ajo që e bëri atë të ishte një hap përpara të tjerëve ishte fakti që ai arriti t'i mbante nën kontroll këto para.

Komente mbi librin

"Librat e Jeffrey Archer – it janë befasues, tronditës dhe personazhet janë aq të vërtetë sa shpesh të krijohet mendimi se Archer – i ka shkruar biografinë e tij. Duke u nisur nga forca e prozës së tij, unë do të guxoj që ta krahasoj atë me John Galsworthy – n. Por, ai rrëfen me gjuhën e bashkëkohësve, prandaj është edhe kaq i sukesshëm."

The Guardian

"Archer... ka një talent të jashtëzakonshëm. Ai rrëfen me mjeshtëri ngjarje që lëvizin me dinamizëm dhe gjatë gjithë kohës përjeton emocione të shumta."

The Philadelphia Inquirer

"Ai ka klasën e Aleksandër Dymasë... dhe është i aftë që ta mbajë të "mbërthyer" lexuesin deri në fund të romanit."

Washington Post